Western Times News

Latest News from Gujarat India

આખરે ઉત્તર કોરિયાએ લોન્ચ કરી નવી મિસાઈલ

નવી દિલ્હી, ઉત્તર કોરિયાના તાનાશાહ કિમ જાેંગ ઉનના નેતૃત્વમાં ગુરુવારે ફરી એકવાર મિસાઈલ છોડવામાં આવી હતી. બુધવારે વહેલી સવારે છોડવામાં આવેલી આ અસ્ત્ર મિસાઈલ થોડી જ મિનિટોમાં નિષ્ફળ ગઈ છે. ન્યૂઝ એજન્સી એએફપીએ આ જાણકારી આપી છે.

આ ઉત્તર કોરિયાનું છઠ્ઠું હથિયાર પરીક્ષણ છે. દક્ષિણ કોરિયાના સૈન્ય અધિકારીઓએ આ માહિતી આપી. સમાચાર એજન્સી અનુસાર, દક્ષિણ કોરિયાના સંરક્ષણ મંત્રાલયે એક નિવેદનમાં જણાવ્યું હતું કે સંદિગ્ધ મિસાઇલ ઉત્તર કોરિયાની રાજધાની પ્યોંગયાંગની બહારના એક એરફિલ્ડમાંથી છોડવામાં આવી હતી.

એરફિલ્ડ તાજેતરના કેટલાંક લોંચનું સ્થળ છે. દક્ષિણ કોરિયાએ કહ્યું કે આ નવી ઇન્ટરકોન્ટિનેન્ટલ બેલિસ્ટિક મિસાઇલ સિસ્ટમના પરીક્ષણો છે. બીજી બાજુ ઉત્તર કોરિયાનું કહેવું છે કે તે પરીક્ષણો ઉપગ્રહના ઘટકો વિકસાવવા માટે કરવામાં આવ્યા હતા. દરમિયાન, જાપાની જાહેર પ્રસારણકર્તા દ્ગૐદ્ભ, જાપાનના સંરક્ષણ મંત્રાલયના સ્ત્રોતને ટાંકીને, મિસાઈલને સંભવિત બેલિસ્ટિક મિસાઈલ ગણાવી.

ઉત્તર કોરિયાની આ ગતિવિધિઓ સ્પષ્ટ સંકેત આપી રહી છે કે તેના પર અમેરિકી પ્રતિબંધોની કોઈ અસર થવાની નથી. નોંધનીય છે કે ઉત્તર કોરિયાએ આ વર્ષનું પહેલું પરીક્ષણ ૬ જાન્યુઆરીએ કર્યું હતું અને ત્યાર બાદ ૧૧ જાન્યુઆરીએ પણ બેલેસ્ટિક મિસાઈલનું પરીક્ષણ કર્યું હતું.

વિભાગીય નિયમોને ટાંકીને નામ ન આપવાની શરતે બોલતા એક અધિકારીએ જણાવ્યું હતું કે દક્ષિણ કોરિયા અને યુએસના ગુપ્તચર અધિકારીઓ પ્રક્ષેપણનું વિશ્લેષણ કરી રહ્યા છે, પરંતુ વિગતો આપી નથી. કેટલાક નિષ્ણાતો કહે છે કે ઉત્તર કોરિયાના નેતા કિમ જાેંગ-ઉન છૂટ મેળવવા માટે વાતચીત પહેલા મિસાઇલ પ્રક્ષેપણ અને અન્ય ધમકીઓ દ્વારા તેમના પડોશીઓ અને યુએસ પર દબાણ લાવવાનો પ્રયાસ કરી રહ્યા છે.SSS

Copyright © All rights reserved. | Developed by Aneri Developers