Western Times News

Latest News from Gujarat

પાટણમાં ટ્રેન નીચે આધેડના બે ટુકડા થઈ ગયા: કપાયેલા પગ પકડીને દીકરાનું હૈયાફાટ રુદન

પાટણ, પાટણ રેલવે સ્ટેશન સુજનીપુર નજીક એક હૃદય કંપાવનારી ઘટના ઘટી છે.  રેલવે-ફાટક પાસે 45 વર્ષીય આધેડે કોઈ કારણસર માલગાડી નીચે પડતું મૂકતાં તેમના શરીરના બે ટુકડા થઈ ગયા. પિતાએ ટ્રેન નીચે પડતું મૂક્યાની જાણ થતાં દીકરો અને દીકરી ઘટનાસ્થળે પહોંચ્યાં હતાં. ટ્રેન નીચે કપાયેલા પિતાનું ધડ તરફડિયાં મારી રહ્યું હતું. પિતાની હાલત જોઈ દીકરો તેમના પગ પકડીને હૈયાફાટ આક્રંદ કરી રહ્યો હતો. પિતાના દેહ પાસે દીકરા-દીકરીના આક્રંદથી સૌકોઈ કંપી ઊઠ્યા.

પાટણ સુજનીપુર નજીક રેલવે-ફાટક પર 45 વર્ષીય આધેડે આત્મહત્યા કરી લીધી છે. સુજનીપુર નજીકથી પસાર થઇ રહેલી માલગાડી નીચે આધેડે પડતું મૂકતાં શરીરના બે ટુકડા થઇ ગયા હતા.

આ કાળજું કંપાવનારી ઘટનામાં આધેડના શરીરના બે ટુકડા થઇ ગયા હોવા છતાંય અમુક સેકન્ડ તેઓ જીવંત રહ્યા હતા. તેઓ હાથથી ટ્રેનને પકડીને શ્વાસ લઇ રહ્યા હતા. તરફડતા આધેડને જોઇ પરિવારના સભ્યનું હૈયાફાટ આક્રંદથી ગમગીની છવાઇ ગઇ હતી.

મળતી માહિતી મુજબ, શનિવારે પાટણના સુજનીપુર નજીક રેલવે-ફાટક પાસે માલગાડી પસાર થઇ રહી હતી. એ દરમિયાન અગમ્ય કારણોસર સેવંતી ભારથી ગૌસ્વામી નામના 45 વર્ષીય આધેડે ટ્રેન નીચે પડતું મૂકીને આત્મહત્યા કરી લીધી હતી. આ ઘટનામાં આધેડના શરીરના બે ટુકડા થઇ ગયા હતા. આધેડના શરીરના બે ટુકડા થઇ ગયા હોવા છતાંય અમુક સેકન્ડ તેઓ જીવંત રહ્યા હતા.

આ ઘટનાના પગલે માલગાડી ઊભી રહેતાં આસપાસના લોકો દોડી આવ્યા હતા અને તાત્કાલિક આ બાબતે જાણ કરતાં પોલીસની ટીમ ઘટનાસ્થળે પહોંચી હતી. પોલીસ તપાસમાં આધેડની ઓળખાણ થતાં તેના પરિવારનો સંપર્ક કરતાં તેઓ ઘટનાસ્થળે પહોંચ્યા હતા. પરિવારજનોના આક્રંદથી ગમગીની છવાઈ ગઈ હતી. પોલીસે મૃતદેહને પીએમ અર્થે ખસેડી આગળની કાર્યવાહી હાથ ધરી હતી.

Copyright © All rights reserved. | Developed by Aneri Developers
wpChatIcon