Western Times News

Latest News from Gujarat

ભાજપ એમસીડી ચૂંટણીને સ્થગિત કરી રહી છેઃ અરવિંદ કેજરીવાલ

નવીદિલ્હી, દિલ્હી મ્યુનિસિપલ કોર્પોરેશનની ચૂંટણી પહેલા ત્રણેય એમસીડીને એક કરવાના બિલને લઈને રાજકીય હોબાળો ચાલી રહ્યો છે. દિલ્હી મ્યુનિસિપલ કોર્પોરેશનના વિલીનીકરણ પર હુમલો કરતા દિલ્હીના મુખ્યમંત્રી અરવિંદ કેજરીવાલે ભાજપને સમયસર ચૂંટણી કરાવવા અને જીતવા પડકાર ફેંક્યો છે.

અરવિંદ કેજરીવાલે કહ્યું કે જાે ભાજપમાં હિંમત હોય તો સમયસર ચૂંટણી કરાવીને બતાવો. તેમણે કહ્યું કે જાે ભાજપ એમસીડી ચૂંટણી જીતશે તો તેઓ રાજકારણ છોડી દેશે.

અરવિંદ કેજરીવાલે કહ્યું કે ભાજપ દ્વારા દિલ્હી મ્યુનિસિપલ કોર્પોરેશનની ચૂંટણી સ્થગિત કરવી એ શહીદોનું અપમાન છે, જેમણે અંગ્રેજાેને દેશમાંથી ભગાડીને દેશમાં લોકશાહી સ્થાપિત કરવા માટે બલિદાન આપ્યું હતું. આજે તેઓ હારના ડરથી દિલ્હી મ્યુનિસિપલ કોર્પોરેશનની ચૂંટણી સ્થગિત કરી રહ્યા છે.

આવતીકાલે તેઓ રાજ્ય અને દેશની ચૂંટણીઓ મુલતવી રાખશે. તેમણે વધુમાં કહ્યું કે ભાજપ પોતાને વિશ્વની સૌથી મોટી પાર્ટી કહે છે. દુનિયાની સૌથી મોટી પાર્ટી ગભરાટમાં નાની આમ આદમી પાર્ટીથી ભાગી રહી છે? જાે તમારામાં હિંમત હોય તો સ્ઝ્રડ્ઢની ચૂંટણી સમયસર કરીને બતાવો અને જીતી હાંસલ કરી બતાવો.

આમ આદમી પાર્ટીના વડા અરવિંદ કેજરીવાલે આરોપ લગાવ્યો હતો કે ભાજપ ચૂંટણીને સ્થગિત કરી રહી છે. દિલ્હીની આ ત્રણ કોર્પોરેશન એક છે.

શું આના કારણે ચૂંટણી મુલતવી રાખી શકાય? જાે તેઓ આવતીકાલે ગુજરાત હારી જશે તો શું તેઓ ગુજરાત અને મહારાષ્ટ્રને એક કરી રહ્યા છે તેમ કહીને ચૂંટણી મુલતવી રાખી શકે? શું આવું બહાનું કરીને લોકસભાની ચૂંટણી પણ મોકૂફ રાખી શકાય? તેમણે કહ્યું કે જાે ભાજપ દિલ્હીમાં સમયસર ચૂંટણી કરાવીને જીતી બતાવશે તો તે રાજનીતિ કરવાનું બંધ કરી દેશે.

દિલ્હી વિધાનસભાનું બજેટ સત્ર શરૂ થઈ ગયું છે જે ૨૯ માર્ચ સુધી ચાલશે. લેફ્ટનન્ટ ગવર્નર અનિલ બૈજલના ભાષણ પછી બજેટ સત્ર શરૂ થયું હતું. માનવામાં આવે છે કે દિલ્હીના નાણામંત્રી મનીષ સિસોદિયા ૨૬ માર્ચે દિલ્હી વિધાનસભામાં દિલ્હીનું બજેટ રજૂ કરશે.HS

Copyright © All rights reserved. | Developed by Aneri Developers
wpChatIcon