Western Times News

Latest News from Gujarat

ભારતીય કંપની ઇન્ફોસિસે પણ રશિયામાં તેની કામગીરી બંધ કરવાની તૈયારી કરી

નવીદિલ્હી, યુક્રેન પર રશિયાના હુમલા બાદ ઘણી કંપનીઓએ રશિયામાંથી પોતાનો બિઝનેસ પાછો ખેંચી લીધો છે. દરમિયાન, એક નવા અહેવાલ મુજબ, ભારતીય કંપની ઇન્ફોસિસ પણ રશિયામાં તેની કામગીરી બંધ કરવાની તૈયારી કરી રહી છે.

આઇટી સેવાઓ સાથે જાેડાયેલી ભારતીય કંપની ઈન્ફોસિસ રશિયામાં તેની કામગીરી બંધ કરી રહી છે. ‘બિઝનેસ ટુડે’એ બીબીસીના અહેવાલને ટાંકીને આ માહિતી આપી છે. આ ઘટનાક્રમ એવા સમયે આવ્યો છે જ્યારે બ્રિટનના નાણાપ્રધાન ઋષિ સુનકને ઈન્ફોસિસમાં તેમની પત્ની અક્ષતા મૂર્તિના લઘુમતી હિસ્સાને લઈને અનેક સવાલોનો સામનો કરવો પડી રહ્યો છે.

બીબીસીના અહેવાલમાં કહેવામાં આવ્યું છે કે રશિયા-યુક્રેન યુદ્ધને કારણે ઈન્ફોસિસને રશિયામાં તેની કામગીરી બંધ કરવી પડી હતી. રિપોર્ટ અનુસાર, કંપની મોસ્કોમાં પોસ્ટ કરાયેલા તેના કર્મચારીઓ માટે રશિયાની બહાર રિપ્લેસમેન્ટ રોલ શોધી રહી છે.

યુક્રેન પર રશિયાના હુમલા બાદ બ્રિટન સહિત ઘણા પશ્ચિમી દેશોએ રશિયા પર આર્થિક પ્રતિબંધો લગાવ્યા છે. અમેરિકા, બ્રિટન સહિત અનેક દેશોની કંપનીઓએ રશિયા સાથેનો પોતાનો બિઝનેસ બંધ કરવાની જાહેરાત કરી છે. તે જ સમયે, ભારતીય કંપનીઓએ રશિયામાં તેમનો વ્યવસાય ચાલુ રાખ્યો.

આમાં ઈન્ફોસિસ પણ સામેલ હતી. અક્ષતા ઈન્ફોસિસમાં ૦.૯ ટકા હિસ્સો ધરાવે છે અને તેના કારણે સુનક પર સવાલો ઉભા થઈ રહ્યા છે. અક્ષતા કંપનીના કો-ફાઉન્ડર એનઆર નારાયણ મૂર્તિની પુત્રી છે.

તાજેતરમાં, સુનકના પ્રવક્તાએ કહ્યું હતું કે કંપનીના સંચાલન સંબંધિત ર્નિણયોમાં અક્ષતાની કોઈ ભૂમિકા નથી. અગાઉ એક ટીવી ઈન્ટરવ્યુમાં સુનકને ઈન્ફોસિસમાં અક્ષતાના હિસ્સા વિશે પૂછવામાં આવ્યું હતું.

ઇન્ફોસિસ એ રશિયામાં કામ કરવા માટેની કેટલીક આઇટી સેવા કંપનીઓમાંની એક હતી જ્યારે આઇટી અને કન્સલ્ટન્સી કંપનીઓ જેમ કે  SAP, Oracle, PwC, McKinsey, Accenture અને KPMG એ તેમની કામગીરી પહેલેથી જ બંધ કરી દીધી છે.HS

Copyright © All rights reserved. | Developed by Aneri Developers
wpChatIcon