Western Times News

Latest News from Gujarat

ધોનીની ગજબની ચપળતા, શાનદાર રન આઉટ કર્યો

મુંબઈ, મહેન્દ્રસિંહ ધોનીએ આઈપીએલ-૨૦૨૨ પહેલા સીએસકેની કેપ્ટનશિપ છોડી દીધી હતી. ૪૦ વર્ષના ધોનીએ ઉંમરના કારણે કેપ્ટનશિપ છોડી છે જેનાથી રવિન્દ્ર જાડેજાને તૈયાર થવામાં સમય મળી શકે. ધોની ૪૦ વર્ષનો હોવા છતા તેની ચપળતા હજુ પહેલા જેવી જ છે.

આવી જ એક ચપળતા રવિવારે પંજાબ કિંગ્સ સામેની મેચ દરમિયાન જાેવા મળી છે. મેચમાં ધોનીએ પોતાની ફિલ્ડિંગથી વિરોધી ટીમને એક મોટો ઝટકો આપ્યો હતો. ઇનિંગ્સની બીજી ઓવર ફાસ્ટ બોલર ક્રિસ જાેર્ડન ફેંકી રહ્યો હતો.

ભાનુકા રાજપક્ષે શોટ મારીને એક રન લેવાનો પ્રયત્ન કર્યો હતો. તેણે ધવનને કોલ આપ્યો હતો પણ ધવને રન લેવાની ના પાડી હતી. જેથી રાજપક્ષે પાછો વળીને ક્રિઝમાં પરત ફરતો હતો. આ દરમિયાન જાેર્ડને બોલ પકડીને સ્ટમ્પમાં માર્યો હતો. જાેકે બોલ સ્ટમ્પ પર લાગ્યો ન હતો.

આ સમયે ધોનીએ બોલ પકડીને ડ્રાઇવ મારીને રન આઉટ કર્યો હતો. થર્ડ અમ્પાયરે રાજપક્ષેને આઉટ આપ્યો હતો. તેણે ૫ બોલમાં ૧ સિક્સર સાથે ૯ રન બનાવ્યા હતા. આ પહેલાની બે મેચમાં તેણે જબરજસ્ત આક્રમક બેટિંગ કરી હતી. ધોનીની આ ૩૫૦મી ટી-૨૦ મેચ છે.

રોહિત શર્મા પછી અહીં સુધી પહોંચનાર બીજાે ભારતીય ખેલાડી છે. વર્તમાન સિઝનમાં ધોનીએ બેટિંગથી પણ શાનદાર રમત બતાવી છે. પ્રથમ મેચમાં ધોનીએ કોલકાતા નાઇટ રાઇડર્સ સામે ૫૦ રન બનાવ્યા હતા. બીજી મેચમાં ૧૬ રને અણનમ રહ્યો હતો.

લિયામ લિવિંગસ્ટોનની આક્રમક અડધી સદી અને શિખર ધવનના ૩૩ રનની મદદથી પંજાબ કિંગ્સે આઈપીએલ-૧૫માં ચેન્નઇ સુપર કિંગ્સ સામે ૨૦ ઓવરમાં ૮ વિકેટે ૧૮૦ રન બનાવ્યા છે. ચેન્નઇને જીતવા માટે ૧૮૧ રનનો પડકાર આપ્યો છે. જાેકે ચેન્નઇ ૧૮ ઓવરમાં ૧૨૬ રનમાં ઓલઆઉટ થઇ જતા ૫૪ રને પરાજય થયો હતો.SSS

Copyright © All rights reserved. | Developed by Aneri Developers
wpChatIcon