લુહાન્સ્કમાં સ્કૂલ બિલ્ડિંગ પર બોમ્બ ફેંકાયો, હુમલામાં ૬૦ લોકોના મોતની આશંકા
કીવ, યુક્રેનમાં રશિયાનો હુમલો ચાલુ છે. પૂર્વી યુક્રેનના લુહાન્સક પ્રદેશમાં ગામની એક શાળામાં બોમ્બ પડ્યા બાદ થયેલા પ્રચંડ વિસ્ફોટમાં ઓછામાં ઓછા ૬૦ લોકોના મોતની આશંકા છે. રાજ્યના રાજ્યપાલે રવિવારે આ માહિતી આપી છે. સેરહિયે ગૈદાઈએ જણાવ્યું કે રશિયન સેનાએ આ ભયાનક હુમલો કર્યો હતો.
લુહાન્સ્કના ગવર્નર અનુસાર રશિયન સેનાએ બિલોહોરિવકામાં એક સ્કૂલને નિશાન બનાવી અને તેના પર બોમ્બ ફેંક્યો હતો. જ્યાં ૯૦ જેટલા લોકોએ આશરો લીધો હતો. બ્લાસ્ટ બાદ શાળાની ઈમારતમાં આગ લાગી ગઈ હતી.સોશિયલ મીડિયા એપ પર આ ઘટના વિશે માહિતી આપતા રાજ્યપાલે કહ્યું કે લગભગ ૪ કલાકની મહેનત બાદ આગ પર કાબૂ મેળવી લેવામાં આવ્યો છે.
દુર્ભાગ્યવશ કાટમાળ હટાવ્યા બાદ માત્ર બે જ મૃતદેહ મળી આવ્યા હતા. બિલ્ડિંગમાંથી ૩૦ લોકોને સુરક્ષિત રીતે બહાર કાઢવામાં આવ્યા હતા. જેમાં ૭ લોકો ઘાયલ થયા છે. જ્યારે બાકીના ૬૦ લોકોનો કોઈ પત્તો મળ્યો નથી, તેઓ હુમલામાં મૃત્યુ પામ્યા હોવાની આશંકા છે.
આ પહેલા રશિયન સેનાએ પણ માર્યુપોલ શહેરમાં સ્થિત સ્ટીલ પ્લાન્ટ પર ભીષણ હવાઈ હુમલા અને તોપમારો કર્યો હતો. જ્યાં યુક્રેનના નાગરિકો ઉપરાંત સેનાના જવાનો પણ હાજર હતા. જાેકે શનિવારે એઝોવસ્ટલ પ્લાન્ટમાંથી તમામ મહિલાઓ, બાળકો અને વૃદ્ધોને બહાર કાઢવામાં આવ્યા હતા.
આ પહેલા રશિયન સેનાએ ગયા મહિને મેરીયુપોલ થિયેટર પર મિસાઈલથી હુમલો કર્યો હતો. આ ભયાનક હુમલામાં ૬૦૦ થી વધુ લોકો માર્યા ગયા હોવાના અહેવાલ છે. યુક્રેનના રાષ્ટ્રપતિ વોલોડીમિર ઝેલેન્સકીએ કહ્યું છે કે રશિયા યુક્રેનમાં યુદ્ધ ખતમ કરવા માંગતું નથી. કારણ કે તે અન્ય યુરોપિયન દેશોને કબજે કરવા માગે છે.HS
