સેન્સેક્સમાં ૫૦૩, નિફ્ટીમાં ૧૪૪ પોઈન્ટનો ઊછાળો
મુંબઈ, વૈશ્વિક બજારોમાં તેજી વચ્ચે એચડીએફસી, એચડીએફસી બેંક અને આઈસીઆઈસીઆઈ બેંકના શેરમાં ખરીદીથી ગુરુવારે સ્થાનિક શેરબજારોમાં તેમના ત્રણ દિવસના ઘટાડાનો અંત આવ્યો અને સેન્સેક્સ ૫૦૦ પોઈન્ટથી ઉપર ચઢ્યો.
બીએસઈના ૩૦ શેરો વાળા પ્રમુખ ઈન્ડેક્સ સેન્સેક્સ ૫૦૩.૨૭ પોઈન્ટ્સ અથવા ૦.૯૪ ટકા વધીને ૫૪,૨૫૨.૫૩ પોઈન્ટ પર પહોંચ્યો છે. દિવસના ટ્રેડિંગ દરમિયાન, તે એક સમયે ૫૯૬.૯૬ પોઇન્ટ ચઢીને ૫૪,૩૪૬.૨૨ પર પહોંચ્યો હતો.
નેશનલ સ્ટોક એક્સચેન્જનો નિફ્ટી પણ ૧૪૪.૩૫ પોઈન્ટ અથવા ૦.૯૦ ટકાના વધારા સાથે ૧૬,૧૭૦.૧૫ પર બંધ થયો હતો. સેન્સેક્સ કંપનીઓમાં ટાટા સ્ટીલ, સ્ટેટ બેંક ઓફ ઈન્ડિયા, એચડીએફસી બેંક, એક્સિસ બેંક, આઈસીઆઈસીઆઈ બેંક, એચડીએફસી, નેસ્લે, વિપ્રો, ટીસીએસ અને ટેક મહિન્દ્રા વધનારાઓમાં હતા. બીજી તરફ સન ફાર્મા, રિલાયન્સ ઈન્ડસ્ટ્રીઝ, હિન્દુસ્તાન યુનિલિવર, લાર્સન એન્ડ ટુબ્રો અને ડો. રેડ્ડીઝના શેર ખોટમાં રહ્યા હતા.
અન્ય એશિયન બજારોમાં, ચીનનો શાંઘાઈ કમ્પોઝિટ ઉછાળા સાથે બંધ રહ્યો હતો, જ્યારે દક્ષિણ કોરિયાનો કોસ્પી, હોંગકોંગનો હેંગસેંગ અને જાપાનનો નિક્કી ઘટ્યો હતો.
યુરોપિયન બજારો બપોરના સત્રમાં ફાયદા સાથે ટ્રેડ કરી રહ્યા હતા અને બુધવારે યુએસ બજારો વધારા સાથે બંધ થયા હતા. દરમિયાન, આંતરરાષ્ટ્રીય તેલ બેન્ચમાર્ક બ્રેન્ટ ક્રૂડ ૦.૫૪ ટકા વધીને ૧૧૪.૭ ડોલર પ્રતિ બેરલ થયું હતું.
શેરબજારના ડેટા મુજબ વિદેશી રોકાણકારો સ્થાનિક બજારોમાંથી વારંવાર ઉપાડ કરી રહ્યા છે. બુધવારે તેણે રૂ. ૧,૮૦૩.૦૬ કરોડના શેરનું વેચાણ કર્યું હતું. ચોઈસ બ્રોકિંગના પલક કોઠારીએ જણાવ્યું હતું કે, બજાર આખરે ડેરિવેટિવ્ઝ કોન્ટ્રાક્ટના માસિક સેટલમેન્ટના દિવસે ત્રણ દિવસના ઘટાડામાંથી રિકવર થઈને લાભ સાથે બંધ થયું હતું.SS2MS
