Western Times News

Latest News from Gujarat India

સમ્રાટ પૃથ્વીરાજ સફળતા બાદ માનુષી છિલ્લરને મોટા બેનરની ફિલ્મોની ઓફર મળી

મુંબઇ,૨૦૧૭ની મિસ વર્લ્‌ડ સ્પર્ધાની વિજેતા, માનુષી છિલ્લર બોલિવૂડની સૌથી પ્રભાવશાળી વ્યક્તિઓમાંની એક છે. સમ્રાટ પૃથ્વીરાજ ફિલ્મથી કરિયરની શરૂઆત કરનાર માનુષીએ પોતાની પ્રતિભા સાબિત કરી છે. સાથે જ તેણે પોતાના લુકથી પણ બધાને પ્રભાવિત કર્યા છે. માનુષી આગામી સ્ટાર તરીકે બોલિવૂડમાં પોતાની છાપ છોડતી જાેવા મળે છે.

પહેલી જ ફિલ્મમાં અક્ષય કુમારની સામે તેને કાસ્ટ કરવામાં આવી તે પહેલાં જ મિસ વર્લ્‌ડે સાબિત કરી દીધું કે તે બોલિવૂડ છોડવા નથી આવી. એટલું જ નહીં અભિનેત્રીએ એક પછી એક મોટી ફિલ્મો સાઈન કરીને નવી ઓળખ બનાવી છે.માનુષી છિલ્લર ૨૦૨૨ માં ડેબ્યૂ કરનારી સૌથી શક્તિશાળી અભિનેત્રી તરીકે ઉભરી આવી છે. માનુષીની લોકપ્રિયતા હવે ચાહકોમાં જબરદસ્ત દેખાઈ રહી છે.

સમ્રાટ પૃથ્વીરાજમાં પણ અભિનેત્રીનું કામ ઘણું પસંદ કરવામાં આવી રહ્યું છે. માનુષી હાલમાં માત્ર સમ્રાટ પૃથ્વીરાજના પ્રમોશનમાં જ નહીં પરંતુ તેની આગામી ફિલ્મોને લઈને પણ વ્યસ્ત છે. અભિનેત્રી પાસે હાલમાં યશ રાજની ફિલ્મો પાઇપલાઇનમાં છે. સમ્રાટ પૃથ્વીરાજ ઉપરાંત અભિનેત્રીએ યશરાજ બેનર સાથે વધુ ત્રણ ફિલ્મો માટે કરાર કર્યા છે.

એવું કહેવામાં આવી રહ્યું છે કે યશ રાજની પ્રોડક્શન કંપની અભિનેત્રી માનુષી છિલ્લરના પ્રોફેશનલ વલણ અને પ્રતિભાથી ઘણી ખુશ છે. માનુષીનું વધુ સારું કામ જાેઈને પ્રોડક્શન હાઉસે તેને વધુ ત્રણ ફિલ્મો માટે સાઈન કરી. માનુષી યશ રાજની નવી ફેવરિટ અભિનેત્રી બની ગઈ છે. આદિત્ય ચોપરાએ પણ માનુષીને શિવ રાવલીના સુપરહીરો પ્રોજેક્ટ માટે સાઈન કરી છે.

જેમાં માનુષી અહાન પાંડે સાથે લીડ રોલમાં જાેવા મળશે. ઉપરાંત આદિત્યએ ખુલાસો કર્યો છે કે તેણે ભૂતપૂર્વ મિસ વર્લ્‌ડ માટે બીજા ઘણા પ્રોજેક્ટ્‌સ વિશે વિચાર્યું છે.HS2KP

Copyright © All rights reserved. | Developed by Aneri Developers