પ્રધાનમંત્રી મોદી સંત તુકારામ મહારાજ મંદિરનું ઉદ્ઘાટન કરશે
વડાપ્રધાન મોદી મુંબઈમાં રાજભવન ખાતે જલ ભૂષણ બિલ્ડિંગ અને ક્રાંતિકારીઓની ગેલેરીનું ઉદ્ઘાટન કરશે- પ્રધાનમંત્રી મુંબઈના બાંદ્રા કુર્લા કોમ્પ્લેક્સમાં મુંબઈ સમાચારના દ્વિશતાબ્દી મહોત્સવમાં ભાગ લેશે.
નવી દિલ્હી, પ્રધાનમંત્રી નરેન્દ્ર મોદી ૧૪ જૂને મહારાષ્ટ્રની મુલાકાત લેશે. બપોરે લગભગ ૧ઃ૪૫ વાગ્યે, પ્રધાનમંત્રી પૂણેના દેહુમાં જગતગુરુ શ્રીસંત તુકારામ મહારાજ મંદિરનું ઉદ્ઘાટન કરશે. સાંજે લગભગ ૪ઃ૧૫ વાગ્યે, પ્રધાનમંત્રી મુંબઈમાં રાજભવન ખાતે જલ ભૂષણ બિલ્ડિંગ અને ક્રાંતિકારીઓની ગેલેરીનું ઉદ્ઘાટન કરશે. PM Narendra Modi will inaugurate Jagadguru Shri Sant Tukaram Maharaj Temple in Dehu Pune
ત્યારબાદ, સાંજે લગભગ ૬ વાગ્યે, પ્રધાનમંત્રી મુંબઈના બાંદ્રા કુર્લા કોમ્પ્લેક્સમાં મુંબઈ સમાચારના દ્વિશતાબ્દી મહોત્સવમાં ભાગ લેશે.
પ્રધાનમંત્રી પૂણેના દેહુમાં જગતગુરુ શ્રીસંત તુકારામ મહારાજ મંદિરનું ઉદ્ઘાટન કરશે. સંત તુકારામ એક વારકરી સંત અને કવિ હતા, જેઓ કીર્તન તરીકે ઓળખાતા આધ્યાત્મિક ગીતો દ્વારા અભંગ ભક્તિ કવિતા અને સમુદાય લક્ષી પૂજા માટે જાણીતા હતા.
તેઓ દેહુમાં રહેતા હતા. તેમના નિધન પછી શિલા મંદિરનું નિર્માણ કરવામાં આવ્યું હતું, પરંતુ તે ઔપચારિક રીતે મંદિર તરીકે રચાયું ન હતું. તે ૩૬ શિખરો સાથે પથ્થરની ચણતરમાં ફરીથી બનાવવામાં આવ્યું છે, અને તેમાં સંત તુકારામની મૂર્તિ પણ છે.
પ્રધાનમંત્રી મુંબઈમાં રાજભવન ખાતે જલ ભૂષણ બિલ્ડિંગ અને ક્રાંતિકારીઓની ગેલેરીનું ઉદ્ઘાટન કરશે. જલ ભૂષણ એ ૧૮૮૫થી મહારાષ્ટ્રના રાજ્યપાલનું અધિકૃત નિવાસસ્થાન છે. તેની આયુષ્ય પૂર્ણ કર્યા પછી, તેને તોડી પાડવામાં આવ્યું હતું અને તેની જગ્યાએ નવી ઇમારતને મંજૂરી આપવામાં આવી હતી.
નવી ઇમારતનો શિલાન્યાસ ઓગસ્ટ, ૨૦૧૯માં ભારતના માનનીય રાષ્ટ્રપતિ દ્વારા કરવામાં આવ્યો હતો. નવી બાંધવામાં આવેલી ઇમારતમાં જૂની ઇમારતની તમામ વિશિષ્ટ સુવિધાઓ સાચવવામાં આવી છે.
૨૦૧૬માં મહારાષ્ટ્રના તત્કાલીન રાજ્યપાલ વિદ્યાસાગર રાવે રાજભવનમાં એક બંકર શોધી કાઢ્યું હતું. અગાઉ તેનો ઉપયોગ બ્રિટિશરો દ્વારા શસ્ત્રો અને દારૂગોળાના ગુપ્ત સંગ્રહ તરીકે કરવામાં આવતો હતો. બંકરનું ૨૦૧૯માં નવીનીકરણ કરવામાં આવ્યું હતું.
મહારાષ્ટ્રના સ્વાતંત્ર્ય સેનાનીઓ અને ક્રાંતિકારીઓના યોગદાનને યાદ કરવા માટે બંકરમાં ગેલેરી તેના પ્રકારના સંગ્રહાલય તરીકે વિકસાવવામાં આવી છે. તે વાસુદેવ બળવંત ફડકે, ચાફેકર ભાઈઓ, સાવરકર ભાઈઓ, મેડમ ભીકાજી કામા, વી બી ગોગાટે, ૧૯૪૬માં નવલ વિદ્રોહ વગેરેના યોગદાનને શ્રદ્ધાંજલિ આપે છે.
પ્રધાનમંત્રી મુંબઈમાં બાંદ્રા કુર્લા કોમ્પ્લેક્સ ખાતે મુંબઈ સમાચારના દ્વિશતાબ્દી મહોત્સવમાં ભાગ લેશે. મુંબઈ સમાચાર સાપ્તાહિક તરીકે છાપવાની શરૂઆત ૧લી જુલાઈ, ૧૮૨૨ના રોજ ફરદુનજી મર્ઝબાનજી દ્વારા કરવામાં આવી હતી. તે પછીથી ૧૮૩૨ માં દૈનિક બની ગયું. આ અખબાર ૨૦૦ વર્ષથી સતત પ્રકાશિત થાય છે. આ અનોખા પરાક્રમની યાદમાં આ પ્રસંગે પોસ્ટલ સ્ટેમ્પ પણ બહાર પાડવામાં આવશે. PM will also participate in Dwishatabdi Mahotsav of Mumbai Samachar, a newspaper which has been published continuously for 200 years.
