ઉત્તરાખંડઃ સહસ્ત્રધારા પાસે પહાડ તુટવાથી ભારે નુકશાન, ઘરોમાં કાટમાળ ધુસ્યો
દહેરાદુન, ઉત્તરાખંડમાં ભારે વરસાદને કારણે આકાશ આફત લાવ્યું છે. પહાડો તેમજ મેદાની વિસ્તારોમાં વરસાદને કારણે નુકસાનના અહેવાલો છે. દિવસભર વરસાદના કારણે સહસ્ત્રધારા પાસેના બ્રહ્મપુરી વિસ્તારમાં રાત્રિના નવ વાગ્યાના સુમારે ડુંગર તૂટી પડતાં કાટમાળ રોડ પર આવી ગયો હતો.
જેના કારણે ભારે નુકશાનના સમાચાર છે. પોલીસ અને એસડીઆરએફની ટીમે કાટમાળમાં ફસાયેલા લોકો, પ્રાણીઓ અને વાહનોને બચાવવા માટે બચાવ કામગીરી હાથ ધરી હતી. બુધવારે સવારથી પડેલા ભારે વરસાદથી સહસ્ત્રધારા વિસ્તારમાં ભારે નુકસાન થયું છે. રાત્રે ડુંગર તૂટવાને કારણે કાટમાળ રસ્તા પર આવી ગયો હતો. જેના કારણે સ્થિતિ બેકાબૂ બની હતી.
પોલીસ પાસેથી પ્રાપ્ત વિગત મુજબ, બ્રહ્મપુરી સહસ્ત્રધારા વિસ્તારમાં રાત્રે ભારે વરસાદને કારણે કાટમાળ આવી રહ્યો હોવાની માહિતી મળી છે. કાટમાળમાં એક મહિલા અને એક પ્રાણી ફસાયા હોવાની માહિતી મળી હતી. માહિતી મળતા પોલીસની ટીમ ઘટના સ્થળે પહોંચી હતી. જ્યાં એસડીઆરએફ ફાયર સર્વિસ અને ૧૦૮ને પણ બોલાવવામાં આવી હતી. બ્રહ્મપુરી નજીક આવી રહેલા કાટમાળના કારણે સ્થળ પર જ કાટમાળ હોવાથી સહસ્ત્રધારા તરફ જતો મુખ્ય માર્ગ બંધ કરી દેવામાં આવ્યો છે.
પોલીસ પગપાળા બ્રહ્મપુરી ગામમાં પહોંચી હતી. ટીમે રેસ્ક્યુ કરીને બચાવ કામગીરી હાથ ધરી હતી ટીમે રેસ્ક્યુ કરીને બચાવ કામગીરી હાથ ધરી હતી બુધેશ્વરી વિસ્તારની રહેવાસી એક મહિલા બ્રહ્મપુરી સહસ્ત્રધારાના કાટમાળમાં ફસાઈ ગઈ હતી, જેને સ્થાનિક લોકોની મદદથી સુરક્ષિત બહાર કાઢવામાં આવી હતી.
કાટમાળના કારણે ત્રણ પશુઓ પણ દટાયા હતા અને ૪ મકાનોને ભારે નુકસાન થયું હતું અને કાટમાળ અનેક ઘરોમાં ઘુસી ગયો હતો. આ સિવાય ત્રણ કાર અને એક ઓટો પણ કાટમાળ નીચે દટાઈ ગયા છે. જેસીબીથી તેને દૂર કરવાની કામગીરી રાતોરાત ચાલી હતી.HS1MS
