અનુષ્કાનું કરિયર ખતમ કરવા માગતો હતો કરણ જોહર
મુંબઈ, ફિલ્મમેકર કરણ જાેહર, જેને કંગના રનૌત દ્વારા મૂવી માફિયાનું ટેગ આપવામાં આવ્યું છે અને તેને નેપોટિઝમ માટે જવાબદાર માનવામાં આવે છે, તેણે એકવાક અનુષ્કા શર્માનું કરિયર ખતમ કરી નાખવા માગતો હોવાની કબૂલાત કરી હતી.
બોલિવુડમાં પોતાના વિરુદ્ધ ગેંગ બનાવવામાં આવી હતી અને કામ મળવાનું બંધ થયા બાદ બોલિવુડ છોડ્યું હોવાના પ્રિયંકા ચોપરાના ખુલાસા બાદ, કરણ જાેહરે જે વાત કહી હતી તે વાયરલ થઈ રહી છે.
અનુપમા ચોપરા સાથે વાતચીત કરતાં કરણ જાેહરે કહ્યું હતું કે, આદિત્ય ચોપરાએ ‘રબ ને બના દી જાેડી’માં શાહરુખ ખાનની ઓપોઝિટમાં કાસ્ટ કરવા માટે અનુષ્કા શર્માની તસવીર દેખાડ્યા બાદ તેણે લગભગ તેનું કરિયર ખતમ કરી દીધું હતું. કરણ જાેહરે આદિત્ય ચોપરાને શાહરુખની સામે અનુષ્કાના બદલે સોનમ કપૂરને કાસ્ટ કરવા માટે કહ્યું હતું.
જાે કે, આદિત્યએ તેની વાત સાંભળી નહોતી અને અનુષ્કાને ફિલ્મમાં કાસ્ટ કરી હતી. જાે કે, જ્યારે તેણે ફિલ્મ જાેઈ તો એક્ટ્રેસનું કામ જાેઈ આશ્ચર્યચકિત થઈ ગયો હતો. ‘જ્યારે આદિત્ય ચોપરાએ મને તેની તસવીર દેખાડી તો ત્યારે મેં તેને કહ્યું હતું કે ‘તું શું પાગલ થઈ ગયો છે? તું તેને સાઈન કરી રહ્યો છે.
તારે આ અનુષ્કા શર્માને સાઈન કરવાની જરૂર નથી!’ તે સમયે અન્ય એક લીડ એક્ટ્રેસ હતી જેને આદિ સાઈન કરે તેમ હું ઈચ્છતો હતો. હું પડદા પાછળ તેને પૂરી રીતે બર્બાદ કરી રહ્યો હતો. ફિલ્મ પણ કંઈ એવી જ હતી જેને હું અનિચ્છાએ જાેઈ રહ્યો હતો. કરણ જાેહર, તે સ્ટારકિડ્સને લોન્ચ કરવા માટે જાણીતો છે તે આલિયા ભટ્ટની તરફેણ કરવા માટે ઘણીવાર ટ્રોલિંગનો શિકાર બની ચૂક્યો છે.
માત્ર સોશિયલ મીડિયા યૂઝર્સ જ નહીં પરંત રણવીર સિંહ અને ઐશ્વર્યા રાય સહિતના સેલેબ્સ પણ જાહેરમાં તેને આ વાત કહી ચૂક્યા છે. નેપોઝિટમની ડિબેટથી આલિયા પોતે પણ કંટાળી હોવાનું તેણે ‘કોફી વિથ કરણ ૭’માં કહ્યું હતું. કરણ જાેહરે અનુષ્કા શર્માને પહેલી જ ફિલ્મમાં કાસ્ટ કરવાની ભલે ન પાડી હોય પરંતુ આજે બંને એકબીજા સાથે સારા સંબંધો ધરાવે છે.
હકીકતમાં, ફિલ્મમેકરે એક્ટ્રેસને ફિલ્મ ‘એ દિલ હૈ મુશ્કિલ’માં પણ લીડ રોલમાં કાસ્ટ કરી હતી, જેમાં રણબીર કપૂર અને ઐશ્વર્યા રાય પણ મહત્વના રોલમાં હતા. અનુષ્કા શર્માની ગણતરી આજના સમયમાં ટોચની હીરોઈનોમાં થાય છે.
અત્યારસુધીના કરિયરમાં તે ઘણી હિટ ફિલ્મો આપી છે. આશરે પાંચ વર્ષથી બ્રેક પર રહેલી એક્ટ્રેસ ખૂબ જલ્દી ફિલ્મ ‘ચકદા એક્સપ્રેસ’માં જાેવા મળશે, જે પૂર્વ ભારતીય મહિલા ક્રિકેટર જુલણ ગોસ્વામીની બાયોપિક છે.SS1MS
