વારી એનર્જીસે PVELના 2023 પીવી મોડ્યુલ સ્કોરકાર્ડમાં ટોચના પર્ફોર્મર તરીકે ઓળખ મેળવી
પ્રતિકાત્મક
ભારતની સૌથી મોટી સોલાર પેનલ ઉત્પાદક વારી એનર્જીસ લિમિટેડે પીવીઈએલના પ્રતિષ્ઠિત વાર્ષિક પીવી મોડ્યુલ રિલાયબિલિટી સ્કોરકાર્ડની 9મી આવૃત્તિમાં સ્થાન મેળવ્યું છે. તેની પ્રોડક્ટ્સ પીવીઈએલ દ્વારા નિર્ધારિત આંતરરાષ્ટ્રીય ગુણવત્તા અને પ્રદર્શન બેન્ચમાર્કને પૂર્ણ કર્યા પછી વારીને ટોચના પર્ફોર્મર તરીકે ઓળખવામાં આવી હતી.
પીવીઈએલ એ સૌર અને ઊર્જા સંગ્રહ ઉદ્યોગો માટે એક સ્વતંત્ર પરીક્ષણ સુવિધા છે. તે જોખમ ઘટાડવા અને ક્ષેત્રમાં પ્રોજેક્ટ પ્રદર્શન અને અર્થશાસ્ત્રને શ્રેષ્ઠ બનાવવા માટે સ્વતંત્ર પરીક્ષણ, એન્જિનિયરિંગ અને ડેટા સોલ્યુશન્સ પ્રદાન કરે છે.
પીવીઈએલના પીવી મોડ્યુલ રિલાયબિલિટી સ્કોરકાર્ડમાં રેન્કિંગ તેના પ્રોડક્ટ ક્વોલિફિકેશન પ્રોગ્રામ (PQP) ના ભાગ રૂપે હાથ ધરવામાં આવેલા સંપૂર્ણ અને સખત લેબ અને ફિલ્ડ ટેસ્ટના પરિણામો દ્વારા નક્કી કરવામાં આવે છે.
પીવીઈએલના સ્કોરકાર્ડમાં ટોચના પર્ફોર્મર તરીકેની આ માન્યતા, ભારત અને સમગ્ર વિશ્વમાં ખરીદદારોને સેવા પૂરી પાડતી વખતે ગુણવત્તા અને વિશ્વસનીયતાના ઉચ્ચતમ ધોરણો માટે વારીની પ્રતિબદ્ધતાનો પુરાવો છે. સંશોધન અને વિકાસમાં વારીના સમર્પિત રોકાણો કંપનીને નવીન અને અદ્યતન પ્રોડક્ટ્સ બજારમાં લાવવા સક્ષમ બનાવે છે જે ગ્રાહકોને વધુ કાર્યક્ષમતા અને શ્રેષ્ઠ પ્રદર્શન અને મૂલ્ય પ્રદાન કરે છે.
પીવીઈએલ દ્વારા માન્યતા વિશે બોલતા વારી ગ્રુપના ચેરમેન અને મેનેજિંગ ડિરેક્ટર શ્રી હિતેશ સી દોશીએ જણાવ્યું હતું કે, “વારીએ લાંબા સમયથી વૈશ્વિક બજારોના ઉચ્ચ ગુણવત્તાના ધોરણોને પૂર્ણ કરવા પર ધ્યાન કેન્દ્રિત કરીને શ્રેષ્ઠતાની સંસ્કૃતિને પ્રોત્સાહન આપ્યું છે, અને આ માન્યતા અમારા અભિગમને વધુ પ્રમાણિત કરે છે.
પીવીઈએલની વિસ્તૃત વિશ્વસનીયતા અને પ્રદર્શન પરીક્ષણના પરિણામોએ વારી માટે નવા બજારો અને ખરીદદારોના વિકાસને ઉત્પ્રેરક બનાવ્યો છે. ભારતના સૌથી મોટા પીવી મોડ્યુલ ઉત્પાદક અને નિકાસકાર તરીકે, અમે વિશ્વભરના ખરીદદારો સાથેની અમારી વાતચીતમાં પીવીઈએલના PQPને શેર કરતાં ખુશી અનુભવીએ છીએ.”
આ પ્રસંગે ટિપ્પણી કરતાં પીવીઈએલના વેચાણ અને માર્કેટિંગના વીપી ત્રિસ્તાન એરિયન-લોરિકોએ ઉલ્લેખ કર્યો હતો કે “પીવીઈએલ 2023ના સ્કોરકાર્ડમાં ટોચના પર્ફોર્મર તરીકે સૂચિબદ્ધ થવા બદલ વારી એનર્જીને બિરદાવે છે. પીવીઈએલના PQP પરીક્ષણમાં તેમના મજબૂત પરિણામો દ્વારા
વિશ્વસનીય મોડ્યુલો બનાવવાની તેમની પ્રતિબદ્ધતા દર્શાવવા બદલ અમે વારી એનર્જીસને માન્યતા આપીને ખુશ છીએ. ખાસ કરીને નોંધનીય છે વારી મોડ્યુલ કે જેણે તમામ કેટેગરીમાં ટોપ પરફોર્મરનો દરજ્જો પ્રાપ્ત કર્યો છે, જે એક અદ્વિતીય અને પ્રભાવશાળી સિદ્ધિ છે.”
ભારતમાં 12 GW ઉત્પાદન ક્ષમતા સાથે, વારી ભારતમાં સૌથી વધુ સોલર મોડ્યુલ ઉત્પાદન ક્ષમતા ધરાવે છે. કંપની સૌર મોડ્યુલની સૌથી મોટી નિકાસકાર છે અને હાલમાં વિશ્વભરના 20 થી વધુ દેશોમાં તેના ઉત્પાદનોની નિકાસ કરે છે.
વારી સમગ્ર ભારતમાં 380થી વધુ સ્થળો અને આંતરરાષ્ટ્રીય સ્તરે 20 દેશોમાં હાજરી ધરાવે છે. કંપનીએ તાજેતરમાં યુએસમાં ફોર્ચ્યુન 500 કંપનીને 50 મેગાવોટના સોલર મોડ્યુલની સમયસર ડિલિવરી પૂર્ણ કરી છે. પ્રોડક્ટ ક્વોલિફિકેશન પ્રોગ્રામ (PQP) દ્વારા પીવીઈએલ દ્વારા સ્વતંત્ર ઉત્પાદન પ્રદર્શન માન્યતા વારીની નેતૃત્વ સ્થિતિને વધુ મજબૂત બનાવશે અને ગ્રાહકોનો વધુ વિશ્વાસ વધારવામાં અને વધારાની વેચાણ વૃદ્ધિને આગળ વધારવામાં નિમિત્ત બનશે.
