2047માં ભારત કેવુ હશે અને ઈસરો દ્વારા તેની કેવી કલ્પના કરવામાં આવી છે?
૨૦૨૫માં ગગનયાન, ૨૦૩૫માં સ્પેસ સ્ટેશન, ૨૦૩૬માં ઓલ્મ્પિક અને ૨૦૪૦માં ચંદ્ર પર ભારતની તૈયારી
ખુદ વડાપ્રધાન મોદીએ કેન્દ્રના તમામ વિભાગોને સુચના આપી છે કે ૨૦૪૭માં ભારત કેવુ હશે અને જે તે વિભાગ દ્વારા તેની શું કલ્પના કરવામાં આવી છે
ભારતની આઝાદીને ૨૦૪૭માં ૧૦૦ વર્ષ પૂરા થાય તે પહેલાં ભારતને એક એવા મુકામ પર લઇ જવાનો આયોજનબધ્ધ પ્લાન તૈયાર થઈ રહ્યો છે. અલબત્ત તેના મૂળમાં ખુદ વડાપ્રધાન નરેન્દ્ર મોદી જ છે. તેમણે કેન્દ્રના તમામ વિભાગોને સૂચના આપી છે કે તે વિભાગ દ્વારા તેની શું કલ્પના કરવામાં આવી છે અને તેને સાકાર કરવા માટે શું કરવું જાેઈએ તેની વિગતો તૈયાર કરવા જણાવ્યું છે.
૧૯૪૭માં આઝાદ થયેલા ભારતને ૭૬ વર્ષ થયા અને ધીમે ધીમે ૨૦૪૭ સુધી આગળ વધી રહ્યું છે. જાે કે તેે પહેલા ભારત વિશ્વની ત્રીજા નંબરની મજબૂત ઇકોનોમી બની ગઇ હશે. ૨૦૩૬માં ભારતના આંગણે, આમ તો ગુજરાતમાં, ઓલ્મ્પિક રમતોત્સવ યોજાઈ ગયો હશે. તે અગાઉ અંતરિક્ષ ક્ષેત્રે ૨૦૨૫માં ગગનયાનનું લોન્ચિંગ થઇ જશે. ૨૦૩૫ એટલે કે ૨૦૩૬ના ઓલ્મ્પિક રમતોત્સવ પહેલાં ભારતનું પોતાનું સ્પેસ સ્ટેશન અંતરિક્ષમાં ગોઠવાઈ ગયું હશે અને ૨૦૪૭ આવતા પહેલાં ૨૦૪૦ સુધીમાં પ્રથમ ભારતીય, નીલ આર્મસ્ટ્રોંગની જેમ ચંદ્ર પર ઉતરી ગયો હશે. અને ભારતનો તિરંગો ચંદ્રની ધરતી પર રોપ્યો હશે.
ભારતીય અંતરિક્ષ સંસ્થા ઇસરોએ ચંદ્ર પર સફળ ઉતરાણ બાદ હવે ઉપર ગરમ વિશાળ માટે ગગનયાન મિશન શરૂ કરી દીધું છે, જેની તૈયારીઓ ખૂબ જ ઝડપથી ચાલી રહી છે. આ તૈયારીઓની સમીક્ષા કરવા અને અવકાશ પ્રયાસોની રૂપરેખા તૈયાર કરવા માટે વડાપ્રધાન નરેન્દ્ર મોદીએ મંગળવારે એક ઉચ્ચ સ્તરીય બેઠક યોજી હતી. આ બેઠકમાં ઇસરોના વડા ઉપરાંત ઘણા અધિકારીઓ હાજર રહ્યા હતા.
આ દરમિયાન ઈસરોના ચીફ સોમનાથે પીએમ મોદીને મિશન સાથે જાેડાયેલી ઘણી માહિતી આપી. બેઠકમાં ઈસરોના વડા અને અધિકારીઓને લક્ષ્યાંક આપતાં વડાપ્રધાન નરેન્દ્ર મોદીએ કહ્યું કે તેમને ૨૦૩૫ સુધીમાં ભારતીય સ્પેસ સ્ટેશન અને ૨૦૪૦ સુધીમાં ચંદ્ર પર માનવ મોકલવાના લક્ષ્યનેે પૂર્ણ કરવા માટે કહેવામાં આવ્યું છે. વડાપ્રધાન મોદીએ ગગનયાનની પ્રથમ નિદર્શન ફ્લાઈટની તૈયારીઓની સમીક્ષા કરી અને ઇસરોના વૈજ્ઞાનિકોને શુક્ર ઓર્બિટર મિશન, માર્સ લેન્ડર પર કામ કરવા પણ કહ્યું છે.
અંતરિક વિભાગે આ બેઠકમાં ગગનયાન મિશનની વ્યાક ઝાંખી આપી, જેમાં માનવ-રેટેડ લોન્ચ વ્હીકલ અને સિસ્ટમ લાયકાત જેવી અત્યાર સુધી વિકસિત વિવિધ તકનીકોનો સમાવેશ થાય છે. આ સમય દરમિયાન એ બાબત નોંધવામાં આવી કેહ્યુમન રેટેડ લોન્ચ વ્હીકલના ૪ અનક્રુડ મિશન સહિત લગભગ ૨૦ મોટા પરીક્ષણોનું આયોજન કરવામાં આવ્યું છે.
ક્રૂ એસ્કેપ સિસ્ટમ ટેસ્ટ વ્હીકલની પ્રથમ નિદર્શન ફ્લાઈટ ૨૧ ઓક્ટોબરના રોજ નિર્ધારિત છે. મીટિંગમાં મિશનની તૈયારીનું મૂલ્યાંકન કરવામાં આવ્યું હતું અને ૨૦૨૫માં તેના લોન્ચની પુષ્ટિ કરવામાં આવી હતી. તાજેતરના ચંદ્રયાન-૩ અને આદિત્ય એલ ૧ મિશન સહિત ભારતીય અવકાશ પહેલની સફળતાના આધારે, પ્રધાનમંત્રીએ નિર્દેશ આપ્યો કે ભારત હવે ૨૦૩૫ સુધીમાં ભારતીય અવકાશ સ્ટેશનની સ્થાપના અને મોકલવા સહિત તમામ સંભવિત લક્ષ્યો હાંસલ કરવાનું લક્ષ્ય રાકે છે.
૨૦૪૦ સુધીમાં ચંદ્ર પર જનાર પ્રથમ ભારતીય. નવા અને મહત્વાકાંક્ષી લક્ષ્યો નક્કી કરવા જાેઈએ. ઈસરોએ ચંદ્ર પર સંશોધન માટે રોડમેપ તૈયાર કરવાની કામગીરી હાથ ધરી છે. આમાં ચંદ્રયાન મિશનની શ્રેણી, નેકસ્ટ જનરેશન લોન્ચ વ્હીકલનો વિકાસ, નવા લોન્ચ પેડનું નિર્માણ, માનવ-કેન્દ્રિત પ્રયોગશાળાઓની સ્થાપના અને સંબંધિત તકનીકોનોે સમાવેશ થાય છે.
