ભારત અને પાકિસ્તાન વચ્ચે સેમિફાઇનલ રમાય તેવી શક્યતા
નવી દિલ્હી, ODI વર્લ્ડકપ ૨૦૨૩નો ચેમ્પિયન કોણ બનશે તે પછીનો સવાલ છે, તે પહેલા સવાલ એ છે કે આ વર્ષે સેમિફાઇનલમાં જનારી ૪ ટીમો કોણ હશે. અત્યાર સુધી જ્યારે તમામ ટીમો નવમાંથી છ મેચ રમી ચૂકી છે ત્યારે સ્પષ્ટ દેખાઈ રહ્યું છે કે ભારત, દક્ષિણ આફ્રિકા અને ન્યૂઝીલેન્ડની ટીમો સેમીફાઈનલમાં જઈ શકે છે. કારણ કે આ ટીમો હાલમાં ટોપ પર છે. એ વાત સાચી છે કે હજુ સુધી કોઈ ટીમ ઓફિશિયલી રીતે સેમિફાઈનલમાં એન્ટ્રી નથી થઇ, પરંતુ એ પણ સાચું છે કે કોઈ ટીમ બહાર થઈ નથી. મતલબ કે જે ટીમો હાલમાં ટોપ પર છે તે પણ બહાર થઈ શકે છે.
પરંતુ અત્યારે આપણે માત્ર શક્યતાઓ વિશે જ વાત કરી શકીએ છીએ. સાથે જ સવાલ એ પણ છે કે શું આઈસીસી વર્લ્ડકપ ૨૦૨૩માં ભારત અને પાકિસ્તાન વચ્ચે સેમીફાઈનલ મેચ રમાઈ શકે છે. તો જવાબ છે હા, તે શક્ય છે, કારણ કે ગઇકાલે પાકિસ્તાનને બાંગ્લાદેશને હરાવ્યા બાદ તમામ સમીકરણો બદલાઇ રહ્યાં છે. ટીમ ઈન્ડિયા હાલ વર્લ્ડકપ પોઈન્ટ ટેબલમાં નંબર વન પર છે, એટલે કે ટીમ તેની બાકીની તમામ મેચો અહીંથી જીતે છે અને જાે તે બે જીતે તો પણ ટીમ ટોચ પર રહેશે તેવી પુરી આશા છે. પરંતુ પાકિસ્તાન માટે તે મુશ્કેલ છે. પાકિસ્તાની ટીમે અત્યાર સુધી છ મેચ રમી છે અને તેમાંથી માત્ર બેમાં જ જીત મેળવી છે. ટીમ ચાર પૉઈન્ટ સાથે સાતમા નંબર પર છે.
હવે સવાલ એ છે કે જાે ટીમ અત્યાર સુધીની તમામ મેચ જીતવાનું ચાલુ રાખશે તો શું તે ચોથા સ્થાને પહોંચી શકશે? આનો જવાબ એ છે કે માત્ર ચોથા સ્તર પર જ નહીં, ત્રીજા સ્તર પર પણ પહોંચવું શક્ય છે, પરંતુ રસ્તો ખુબ જ મુશ્કેલ છે. એ વાત સાચી છે કે પાકિસ્તાન હવે ભારતની બરાબરી ૧૨ પોઈન્ટ નહીં કરી શકે, પરંતુ તે ચોક્કસપણે આગળ વધી શકે છે. પાકિસ્તાન પાસે હજુ ત્રણ મેચ બાકી છે એટલે કે જાે બાકીની ત્રણ મેચ જીતી લેવામાં આવે તો કુલ પોઈન્ટ ચારથી વધીને દસ થઈ જશે. દસમાંથી કોઈ ત્રીજા અને ચોથા સ્થાને રહી શકે છે. પાકિસ્તાન માટે સેમિફાઇનલનો રસ્તો તેમના હાથમાં નથી.
જાે ટીમ તેની મેચો જીતી જાય અને અન્ય ટીમો જે હાલમાં ટોપ ૪માં છે તે પણ જીતવાનું ચાલુ રાખશે, તો સેમિ ફાઇનલની ટિકીટ મળી શકે છે. જાે ન્યૂઝીલેન્ડ, દક્ષિણ આફ્રિકા અને ઓસ્ટ્રેલિયામાંથી ઓછામાં ઓછી એક ટીમ તેની બાકીની મોટાભાગની મેચો હારી જાય તો પાકિસ્તાન માટે તે કંઈક અંશે સરળ બની જશે. હાલમાં, દક્ષિણ આફ્રિકાના ૧૦ પોઈન્ટ સિવાય ન્યૂઝીલેન્ડ અને ઓસ્ટ્રેલિયાના ૮ પોઈન્ટ છે. એટલે કે સ્ટૉરીમાં નવો વળાંક આવી શકે છે.
પાકિસ્તાન તેની તમામ મેચ જીતીને ૧૦ પૉઈન્ટ મેળવી શકે છે, પરંતુ તે પૂરતું નથી. જીતવાની સાથે તેણે તેનો નેટ રન રેટ એટલે કે દ્ગઇઇ પણ સુધારવો પડશે, આનો અર્થ એ થશે કે જાે બે ટીમો સમાન પૉઈન્ટ મેળવે છે તો જે ટીમનો નેટ રન રેટ વધુ હશે તે આગળ જશે.
આ રીતે સેમિ ફાઇનલમાં પાકિસ્તાનની ટીમ પહોંચી શકે છે. સેમિફાઇનલના નિયમો સ્પષ્ટ છે કે જે ટીમ ટોચ પર રહેશે તેનો સામનો ચોથા સ્થાને રહેલી ટીમ સાથે થશે અને ત્રીજા સ્થાને રહેલી ટીમનો સામનો બીજા સ્થાને રહેશે. પ્રથમ સેમી ફાઈનલ ૧૫ નવેમ્બરે મુંબઈમાં રમાશે જ્યારે બીજી સેમીફાઈનલ ૧૫ નવેમ્બરે કોલકાતામાં રમાશે.
જાે ભારત અને પાકિસ્તાન વચ્ચે મેચ હશે તો મેચ મુંબઈમાં નહીં પણ કોલકાતામાં રમાશે, જ્યારે ભારતની અન્ય કોઈ ટીમ સાથે મેચ હશે તો મેચ મુંબઈના વાનખેડે સ્ટેડિયમમાં રમાશે. તેનો અર્થ એ છે કે ભારત અને પાકિસ્તાન વચ્ચે સેમીફાઈનલ માટે હજુ પણ સમીકરણો રચાઈ રહ્યા છે, પરંતુ વાસ્તવિકતા એ છે કે તે ખુબ મુશ્કેલ કામ છે.SS1MS
