ઈન્ડિયન એરફોર્સના સૌથી વૃદ્ધ પાયલટનું ૧૦૩ વર્ષની વયે નિધન થયું
નવી દિલ્હી, ભારતીય વાયુસેનાના સૌથી વૃદ્ધ અને ભૂતપૂર્વ પાયલટ સ્ક્વોડ્રન લીડર (નિવૃત્ત) દલીપ સિંહ મજીઠિયાનું નિધન થયું છે. તેઓ બીજા વિશ્વ યુદ્ધ દરમિયાન ભારતીય વાયુસેનામાં જોડાયા હતા. તેમની ઉંમર ૧૦૩ વર્ષની હતી. મંગળવારે વહેલી સવારે ઉત્તરાખંડના રૂદ્રપુરમાં તેમનું અવસાન થયું.
તેમના સાથીદારો તેમને પ્રેમથી ‘માજી’ કહીને બોલાવતા.સ્ક્વોડ્રન લીડર મજીઠિયાનું નિધન એક યુગનો અંત દર્શાવે છે, જે બહાદુરી અને સમર્પણનો વારસો છોડીને જાય છે.
શિમલામાં જન્મેલા સ્ક્વોડ્રન લીડર મજીઠિયાની ભારતીય વાયુસેનામાં પ્રવાસ બીજા વિશ્વ યુદ્ધના સંઘર્ષ ભરેલા વર્ષો દરમિયાન શરૂ થયો હતો. ઉડ્ડયન પ્રત્યેના તેમના જુસ્સાને લીધે, તેઓ ૧૯૪૦ માં IAF સ્વયંસેવક અનામતમાં જોડાયા.
હવાઈ લડાઇના સૌથી પડકારજનક વર્ષોથી ભરેલી કારકિર્દી દરમિયાન, સ્ક્વોડ્રન લીડર મજીઠિયાએ હરિકેન અને સ્પિટફાયર જેવા એરક્રાફ્ટમાં ૧,૧૦૦ કલાકથી વધુ નેવિગેટિંગ મિશનમાં ઉડાન ભરી હતી. તેમની અસાધારણ પ્રતિભાએ તેમને લાહોરના વોલ્ટનમાં પ્રારંભિક તાલીમ શાળામાં તેમની તાલીમ દરમિયાન પ્રતિષ્ઠિત ‘શ્રેષ્ઠ પાયલટ ટ્રોફી’ અપાવી હતી.દલીપ સિંહ મજીઠિયાનો જન્મ ૨૭ જુલાઈ ૧૯૨૦ના રોજ શિમલામાં થયો હતો.
તેમણે ૫ ઓગસ્ટ ૧૯૪૦ના રોજ બ્રિટનના બે ટ્રેનર્સ સાથે વોલ્ટન એરફિલ્ડ, લાહોરથી ટાઇગર મોથ એરક્રાફ્ટમાં પ્રથમ વખત ઉડાન ભરી હતી. માત્ર બે અઠવાડિયા પછી, તેણે પ્રથમ વખત એકલા ઉડાન ભરી. ત્યારે તેની ઉંમર માત્ર ૨૦ વર્ષની હતી. ભારતીય વાયુસેનાએ મંગળવારે તેના હીરોને છેલ્લી વિદાય આપી.SS1MS
