અબુધાબી અને દુબઈમાં ભારે વરસાદ અને તોફાન
દુબઇમાં ફરી ભારે વરસાદ બાદ એડવાઇઝરી જાહેર
(એજન્સી)અબુધાબી, ગયા મહિને સંયુક્ત આરબ અમીરાત માં આવેલા ભયંકર પૂરના થોડા દિવસો પછી, ગુરુવારે વહેલી સવારે અબુ ધાબી અને દુબઈમાં ભારે વરસાદ અને તોફાન આવ્યું હતું. આ પછી ઘણી ફ્લાઈટ્સ રદ કરવામાં આવી હતી અને દુબઈમાં બસ સેવાઓ સ્થગિત કરવામાં આવી હતી. Heavy rain and storm in Abu Dhabi and Dubai
ખલીજ ટાઈમ્સના અહેવાલ મુજબ, દુબઈ આવતી પાંચ ફ્લાઈટને રાતોરાત ડાયવર્ટ કરવામાં આવી હતી, જ્યારે નવ દુબઇ આવનારી અને ચાર દુબઇથી બહાર જનારી ફ્લાઇટ્સને પણ રદ્દ કરવામાં આવી છે. રિપોર્ટમાં કહેવામાં આવ્યું છે કે અમીરાતની ઘણી ફ્લાઈટ્સ પણ રદ કરવામાં આવી છે.સ્થાનિક મીડિયાના અહેવાલમાં જણાવવામાં આવ્યું છે કે દુબઈના નાગરિકો ગુરુવારે સવારે ૩ વાગે જોરદાર પવન, વીજળીના કડાકાથી જાગી ગયા હતા.
વરસાદના લગભગ એક કલાક પછી લગભગ ૪ વાગ્યે દેશના હવામાન વિભાગે એલર્ટ જાહેર કર્યું હતું, જે દર્શાવે છે કે દેશના મોટાભાગના ભાગોમાં વરસાદી વાદળો ઘેરાઈ ગયા છે.
Dubai looks beautiful even in massive rain.
pic.twitter.com/dVuhEGSu9c— Moments & memories (@momentmemori) May 2, 2024
દેશમાં પ્રતિકૂળ હવામાન ૩ મે સુધી યથાવત રહેવાની ધારણા છે. સ્થાનિક મીડિયાના અહેવાલો અનુસાર, અબુ ધાબીના કેટલાક વિસ્તારોમાં રસ્તાઓ પર પાણી ભરાઈ જવાના અહેવાલ છે, જ્યારે જેબેલ અલી, અલ મકતુમ ઈન્ટરનેશનલ એરપોર્ટ, દુબઈ ઈન્ડસ્ટ્રિયલ સિટી, દુબઈ ઈન્વેસ્ટમેન્ટ પાર્ક અને જુમેરાહ વિલેજ ટ્રાયેન્ગલમાં જોરદાર પવન ફૂંકાવાના અહેવાલ છે.
બુધવારે દુબઈ એરપોર્ટ અને બે સ્થાનિક એરલાઈન્સે મુસાફરો માટે એડવાઈઝરી જાહેર કરી હતી. દુબઈ ઈન્ટરનેશનલ એરપોર્ટ પર મુસાફરી કરતી વખતે વિલંબ માટે તૈયાર રહેવા જણાવ્યું.
ેંછઈ એ ગુરુવાર સુધી બે દિવસ માટે મધ્યમથી ભારે વરસાદની ચેતવણી જાહેર કરી હતી, જેનાથી ઓફિસ-જનારાઓને ઘરેથી કામ કરવા માટે અને શારજાહ અને દુબઈની સ્કૂલો માટે ડિસ્ટન્સ લ‹નગ માટે મજબૂત થવું પડ્યું હતું
ગયા મહિને એપ્રિલમાં દુબઈમાં તોફાન આવ્યા બાદ ઓછામાં ઓછા ત્રણ લોકોના મોત થયા હતા અને સામાન્ય જનજીવન ખોરવાઈ ગયું હતું. આ સમયગાળા દરમિયાન ફ્લાઇટ્સ રદ કરવામાં આવી હતી અને અન્ય કામગીરી બંધ કરવામાં આવી હતી.
