માલદીવ પહોંચનારા પ્રવાસીઓની સંખ્યામાં ૪૨ ટકાનો ઘટાડો
નવી દિલ્હી, ભારત સાથેના તણાવને કારણે માલદીવના પ્રવાસન પર અસર પડી રહી છે. માલદીવ પહોંચનારા ભારતીય પ્રવાસીઓની સંખ્યામાં ચાર મહિનામાં ૪૦ ટકાથી વધુનો ઘટાડો થયો છે. દરમિયાન માલદીવે ભારતીય પ્રવાસીઓને ત્યાં આવવાની અપીલ કરી છે.
માલદીવના પ્રવાસન મંત્રી ઈબ્રાહિમ ફૈસલે ભારત અને માલદીવ વચ્ચેના ઐતિહાસિક સંબંધો પર ભાર મૂકતા કહ્યું કે અમારી સરકાર ભારત સાથે મળીને કામ કરવા માંગે છે. અમારા લોકો અને અમારી સરકાર માલદીવમાં આવનારા ભારતીયોનું ઉષ્માભર્યું સ્વાગત કરશે.
પ્રવાસન મંત્રી તરીકે હું ભારતીયોને માલદીવ આવવા કહેવા માંગુ છું. આપણું અર્થતંત્ર વાસ્તવમાં પ્રવાસન પર આધારિત છે.તમને જણાવી દઈએ કે માલદીવના પર્યટન મંત્રીની આ અપીલ એવા સમયે આવી છે જ્યારે ભારત સાથે તેના સંબંધોમાં તણાવ છે.
ગયા વર્ષે ડિસેમ્બરમાં જ્યારે વડાપ્રધાન નરેન્દ્ર મોદીએ સોશિયલ મીડિયા પર લક્ષદ્વીપની તસવીરો શેર કરી હતી અને અહીં આવવાની અપીલ કરી હતી ત્યારે માલદીવ સરકારના ત્રણ મંત્રીઓએ પીએમ મોદી અને લક્ષદ્વીપ વિશે વાંધાજનક ટિપ્પણી કરી હતી.
આ પછી ભારતીયોએ માલદીવનો બહિષ્કાર કર્યો.આ બહિષ્કારનું પરિણામ એ આવ્યું કે માલદીવમાં જનારા ભારતીય પ્રવાસીઓની સંખ્યામાં ઝડપથી ઘટાડો થયો.
રિપોર્ટ અનુસાર, ગયા વર્ષની સરખામણીમાં આ વર્ષે જાન્યુઆરીથી એપ્રિલ વચ્ચે માલદીવમાં આવનારા ભારતીય પ્રવાસીઓની સંખ્યામાં ૪૨ ટકાનો ઘટાડો થયો છે.અહેવાલ મુજબ માલદીવ ભારતીય પ્રવાસીઓ માટે ખૂબ જ પ્રિય સ્થળ હતું.
પરંતુ બંને દેશો વચ્ચે તણાવ વધ્યા બાદ માલદીવ જનારા ભારતીય પ્રવાસીઓની સંખ્યામાં ઘટાડો થયો છે. પર્યટન મંત્રાલયના ડેટા અનુસાર, આ વર્ષે જાન્યુઆરીથી એપ્રિલ વચ્ચે ૪૨,૬૩૮ ભારતીય પ્રવાસીઓ માલદીવની મુલાકાતે આવ્યા હતા. જ્યારે ગયા વર્ષે આ જ ચાર મહિનામાં ૭૩,૭૮૫ ભારતીય પ્રવાસીઓ માલદીવ પહોંચ્યા હતા.સ્થાનિક મીડિયાએ ભારત-માલદીવ વચ્ચેના તણાવ અને ભારતીય પ્રવાસીઓની સંખ્યામાં ઘટાડા માટે મુઈઝુ સરકારને જવાબદાર ઠેરવી છે.
મોહમ્મદ મુઈઝૂ ગયા વર્ષે નવેમ્બરમાં માલદીવના રાષ્ટ્રપતિ બન્યા હતા. ત્યારથી ભારત અને માલદીવ વચ્ચેના સંબંધોમાં તણાવ છે. મુઈઝુને ચીનનો સમર્થક માનવામાં આવે છે. તેમણે પોતાના ચૂંટણી પ્રચારમાં ‘ઇન્ડિયા આઉટ’નો નારો આપ્યો હતો.સત્તામાં આવ્યા બાદ મુઈઝુએ માલદીવમાં હાજર ભારતીય સૈનિકોને પાછા ખેંચવાનો મુદ્દો ઉઠાવ્યો હતો. માલદીવમાં ૮૮ ભારતીય સૈનિકો હતા.
હવે આ જવાનોને પાછા બોલાવવામાં આવી રહ્યા છે.માલદીવ હિંદ મહાસાગર ક્ષેત્રમાં ભારતનો મહત્વપૂર્ણ પડોશી છે. એટલું જ નહીં, મોદી સરકારની ‘નેબરહુડ ફર્સ્ટ પોલિસી’ જેવી પહેલોમાં પણ માલદીવનું મહત્વનું સ્થાન છે.SS1MS
