અફઘાનિસ્તાનમાં અચાનક પૂરના કારણે તબાહી મચી ગઈ
નવી દિલ્હી, અફઘાનિસ્તાનમાં પૂરને કારણે અત્યાર સુધીમાં ૩૦૦થી વધુ લોકોના મોત થયા છે અને હજારો મકાનોને નુકસાન થયું છે. હજારો પરિવારો બેઘર બન્યા છે અને હજારો પશુઓ પણ મૃત્યુ પામ્યા છે. યુનાઈટેડ નેશન્સ ફૂડ એજન્સીના જણાવ્યા અનુસાર પૂરના કારણે લોકોને ખાદ્ય ચીજોની અછતનો સામનો કરવો પડ્યો છે.
મોટા પાયે માનવતાવાદી કટોકટી ઊભી થઈ છે. અફઘાનિસ્તાનમાં ભારે વરસાદ અને પછી અચાનક આવેલા પૂરના કારણે અનેક જિલ્લાઓમાં તબાહી સર્જાઈ છે. અત્યાર સુધીમાં ૩૦૦ થી વધુ લોકોના મોત થયા છે અને હજારો ઘરોને નુકસાન થયું છે.
હજારો પરિવારો બેઘર બન્યા છે અને હજારો પશુઓ પણ મૃત્યુ પામ્યા છે. યુનાઈટેડ નેશન્સ ફૂડ એજન્સીના જણાવ્યા અનુસાર પૂરના કારણે લોકોને ખાદ્ય ચીજોની અછતનો સામનો કરવો પડ્યો છે.
મોટા પાયે માનવતાવાદી કટોકટી ઊભી થઈ છે.અહેવાલો અનુસાર, દેશના ઉત્તરમાં સ્થિત બગલાન પ્રાંતના ૧૦ જિલ્લાઓમાં પૂરથી કુલ ૫૯૯૬ પરિવારો પ્રભાવિત થયા છે. તેમાંથી ૩૯૯૫ પરિવારોના મકાનો સંપૂર્ણપણે ધોવાઈ ગયા છે. પૂરમાં ૯૧૬૦ પશુઓના મોત થયા છે,
જ્યારે ૧૯૦૭૦ એકર જમીન ડૂબી ગઈ છે.સ્થાનિક અધિકારી હેદાયતુલ્લાહ હમદર્દે સમાચાર એજન્સી એએફપીને જણાવ્યું હતું કે સૈન્ય સહિત કટોકટીના કર્મચારીઓ કાદવ અને કાટમાળ હેઠળ પીડિતોની શોધ કરી રહ્યા હતા. ઘર ગુમાવનારા પરિવારોને તંબુ, ધાબળા અને ખોરાક આપવામાં આવ્યો હતો. કાબુલને ઉત્તર અફઘાનિસ્તાન સાથે જોડતો મુખ્ય માર્ગ બંધ છે.
અધિકારીઓએ જણાવ્યું કે મુશળધાર વરસાદને કારણે બાગલાન, તખાર અને બદખ્શાન પ્રાંત તેમજ પશ્ચિમી ઘોર અને હેરાત પ્રાંતમાં ભારે નુકસાન થયું છે.
આ દેશ ગરીબી સામે ઝઝૂમી રહ્યો છે અને ખેતી પર ખૂબ જ નિર્ભર છે.યુએનના મહાસચિવ એન્ટોનિયો ગુટેરેસે કહ્યું કે અમે અફઘાનિસ્તાનના લોકો સાથે અમારી એકતા વ્યક્ત કરીએ છીએ અને પીડિતોના પરિવારો પ્રત્યે અમારી સંવેદના વ્યક્ત કરીએ છીએ. તેમના પ્રવક્તા સ્ટેફન દુજારિકે કહ્યું કે સંયુક્ત રાષ્ટ્ર સહાય પૂરી પાડવા માટે સ્થાનિક સત્તાવાળાઓ સાથે કામ કરી રહ્યું છે.SS1MS
