જો બિડેને રાષ્ટ્રપતિની ચર્ચા માટે આમંત્રણ સ્વીકાર્યું
નવી દિલ્હી, અમેરિકામાં રાષ્ટ્રપતિની ચૂંટણીની તૈયારીઓ પૂરજોશમાં ચાલી રહી છે. રાષ્ટ્રપતિ પદ માટે ૫ નવેમ્બર ૨૦૨૪ના રોજ મતદાન થશે.
ડેમોક્રેટિક પાર્ટીના સભ્ય અને વર્તમાન પ્રમુખ જો બિડેન ફરી એકવાર ચૂંટણી લડી રહ્યા છે. તેમજ પૂર્વ રાષ્ટ્રપતિ ડોનાલ્ડ ટ્રમ્પ બીજી વખત રિપબ્લિકન પાર્ટી તરફથી ચૂંટણી લડી રહ્યા છે. તમામની નજર હવે રાષ્ટ્રપતિ પદની ચર્ચા પર છે.
બિડેને ૧૦ સપ્ટેમ્બરે યોજાનારી રાષ્ટ્રપતિની ચર્ચા માટે આમંત્રણ સ્વીકાર્યું છે. એબીસી આ ડિબેટનું આયોજન કરશે.આ અંગે રાષ્ટ્રપતિ જો બિડેને સોશિયલ મીડિયા પ્લેટફોર્મ ‘એક્સ’ પર લખ્યું, ‘મને મંગળવાર, ૧૦ સપ્ટેમ્બરના રોજ એબીસી દ્વારા આયોજિત ડિબેટનું આમંત્રણ મળ્યું છે અને મેં તેનો સ્વીકાર પણ કર્યાે છે.’
તેણે લખ્યું, ‘ટ્રમ્પ કહે છે કે તે પોતાના પરિવહનની વ્યવસ્થા જાતે કરશે. હું પણ મારા પ્લેનમાં આવીશ.અમેરિકામાં રાષ્ટ્રપતિની ચૂંટણીને લઈને ગયા મહિને એપ્રિલમાં એક સર્વે કરવામાં આવ્યો હતો. પરિણામોમાં પૂર્વ રાષ્ટ્રપતિ ડોનાલ્ડ ટ્રમ્પની લીડ જોવા મળી હતી.
સાત રાજ્યોમાં કરવામાં આવેલા આ સર્વેમાં જો બિડેન ૨૦૧૪માં પાછળ હતા. વોલ સ્ટ્રીટ જર્નલ દ્વારા હાથ ધરવામાં આવેલા સર્વેક્ષણમાં દર્શાવવામાં આવ્યું હતું કે મતદારો દેશની અર્થવ્યવસ્થાથી અસંતુષ્ટ છે અને તેમને બિડેનની ક્ષમતાઓ અને નોકરીની કામગીરી અંગે ઊંડી શંકા છે.
છ રાજ્યો પેન્સિલવેનિયા, મિશિગન, એરિઝોના, જ્યોર્જિયા, નેવાડા અને નોર્થ કેરોલિનામાં ટ્રમ્પ બે થી આઠ ટકા પોઈન્ટની વચ્ચે આગળ હતા. જોકે, વિસ્કોન્સિનમાં બિડેન ટ્રમ્પ કરતાં ત્રણ પોઈન્ટ આગળ હતા.
સર્વેમાં દરેક રાજ્યમાં રાષ્ટ્રપતિ બિડેનના જોબ પર્ફાેર્મન્સ વિશે વધુ નેગેટિવ ફીડબેક જોવા મળ્યા હતા.રાષ્ટ્રીય ચૂંટણીઓ પર નજર રાખતી વેબસાઈટ રિયલ ક્લિયર પોલિટિક્સ અનુસાર, જો ટ્રમ્પ અને બિડેન આ વખતે સામસામે લડાઈમાં છે. મોટા રાષ્ટ્રીય સર્વેક્ષણોની સરેરાશ દર્શાવે છે કે ટ્રમ્પ બિડેન કરતા નાના માર્જિનથી આગળ છે.SS1MS
