બેંગલુરુના કેમ્પેગૌડા ઈન્ટરનેશનલ એરપોર્ટ પર આગમન અને પ્રસ્થાન મોંઘું થયુ
નવી દિલ્હી, બેંગલુરુના કેમ્પેગૌડા ઈન્ટરનેશનલ એરપોર્ટ પર આગમન અને પ્રસ્થાન મોંઘું થઈ ગયું છે. એરપોર્ટ ઓપરેટરે સુગમ ટ્રાફિક સુનિશ્ચિત કરવા માટે વાહનો પર એન્ટ્રી ફી લાદી છે. એરપોર્ટ વિસ્તારમાં પ્રવેશ માટે તમામ ખાનગી અને કોમર્શિયલ વાહનો પાસેથી ચાર્જ લેવામાં આવશે. ટેમ્પો પ્રવાસીઓ પાસેથી પણ ચાર્જ વસૂલવામાં આવ્યો છે. બેંગલુરુ એરપોર્ટ પરથી મુસાફરી કરવી મોંઘી થઈ ગઈ છે.
બેંગલુરુ ઈન્ટરનેશનલ એરપોર્ટ લિમિટેડે સોમવારથી કોમર્શિયલ અને ખાનગી વાહનો માટે પ્રવેશ ફીની જાહેરાત કરી છે. જો તમે વાહન દ્વારા એરપોર્ટમાં પ્રવેશવા માંગો છો, તો તમારે તેના માટે ચાર્જ ચૂકવવો પડશે.અપડેટ કરાયેલા નિયમો અનુસાર, ઓલા અને ઉબેર જેવા કેબ એગ્રીગેટર્સ દ્વારા સંચાલિત વાહનો સહિત કોમર્શિયલ વાહનોને સાત મિનિટ સુધી ૧૫૦ રૂપિયાની એન્ટ્રી ફી ચૂકવવી પડશે.
સાત મિનિટની સમય મર્યાદા પૂરી થયા બાદ ચાર્જ બમણો થઈને ૩૦૦ રૂપિયા થઈ જશે.ખાનગી વાહનો માટે ફીનું માફ્રખું અલગ હશે. ઉદાહરણ તરીકે, પ્રથમ સાત મિનિટ માટે ખાનગી વાહનો પાસેથી કોઈ ચાર્જ લેવામાં આવશે નહીં. આ પછી, જો ખાનગી વાહનો એરપોર્ટ વિસ્તારમાં ૭-૧૪ મિનિટ રોકાશે તો ૧૫૦ રૂપિયા ફી ચૂકવવી પડશે.
નિયમો મુજબ, ટર્મિનલ-૧ અને ટર્મિનલ-૨ પર આગમન અને પ્રસ્થાન બંને માટે પ્રવેશ ફી લાગુ પડે છે. નવા શુલ્કથી વારંવાર પ્રવાસીઓ અને કેબ ઓપરેટરોને અસર થવાની ધારણા છે, જે સંભવિતપણે એરપોર્ટ મુસાફરીના એકંદર ખર્ચમાં વધારો કરશે.બસો માટે ૬૦૦ રૂપિયાની એન્ટ્રી ફી લેવામાં આવશે, જ્યારે ટેમ્પો પ્રવાસીઓએ ૩૦૦ રૂપિયા ચૂકવવા પડશે.
એરપોર્ટ ઓપરેટરે ટ્રાફિક ફ્લો સુનિશ્ચિત કરવા માટે આગમન વિસ્તારમાં વાહનો માટે પે-એન્ડ-યુઝ સિસ્ટમ લાગુ કરી છે.બધા વ્હાઇટ-બોર્ડ વાહનોને ખાનગી વાહનો તરીકે વર્ગીકૃત કરવામાં આવે છે, અને તમામ પીફ્રા-બોર્ડ, ઈફ કોમર્શિયલ વાહનો અને સેલ્ફ-ડ્રાઇવ પીળા-બોર્ડ વાહનોને વ્યાવસાયિક વાહનો તરીકે વર્ગીકૃત કરવામાં આવે છે.SS1MS
