કોલકાતામાં ૬૦ દિવસ માટે કલમ ૧૪૪ લાગુ કરવામાં આવી
કોલકાતા, કોલકાતા પોલીસે શુક્રવારે કલમ ૧૪૪ લાદવાની જાહેરાત કરી હતી, જે હેઠળ ૨૮ મેથી ૬૦ દિવસ માટે પાંચ કે તેથી વધુ વ્યક્તિઓની કોઈપણ ગેરકાયદેસર એસેમ્બલી પર પ્રતિબંધ મૂકવામાં આવ્યો છે. પોલીસને માહિતી મળી છે કે કોલકાતામાં હિંસક પ્રદર્શન થવાની સંભાવના છે જેના પરિણામે જાહેર શાંતિમાં ખલેલ પડી શકે છે.કોલકાતામાં બે મહિના માટે કલમ ૧૪૪ લાગુ કરવામાં આવી છે.
પોલીસ કમિશનરના આદેશ પર કોલકાતામાં ૨૮ મેથી ૨૬ જુલાઈ સુધી કલમ ૧૪૪ લાગુ રહેશે. હિંસક પ્રદર્શન અને મોટા પાયે જાહેર શાંતિ ભંગ થવાની સંભાવનાને કારણે આ નિર્ણય લેવામાં આવ્યો છે. પોલીસ કમિશનર વિનીત કુમાર ગોયલે જારી કરેલા આદેશમાં આ માહિતી આપવામાં આવી છે.
વિશ્વસનીય સૂત્રો પાસેથી મળેલી માહિતીના આધારે, કોલકાતા પોલીસ કમિશનરે શહેરમાં ૨૮ મે ૨૦૨૪ થી ૨૬ જુલાઈ ૨૦૨૪ સુધી અથવા આગળના આદેશો સુધી ૬૦ દિવસ માટે કલમ ૧૪૪ લાગુ કરી છે.માર્ચની શરૂઆતમાં, ચૂંટણી પંચે લોકસભા ચૂંટણીની તારીખોની જાહેરાત કર્યા પછી તરત જ પશ્ચિમ બંગાળમાં રાજકીય હિંસા ફાટી નીકળી હતી. રાજ્યના બે ભાગોમાં હિંસાના બે અલગ-અલગ કેસ નોંધાયા છે.
પાંડબેશ્વરમાં ટીએમસી કાર્યકર્તાઓએ બીજેપી કાર્યકરની દુકાનને કથિત રીતે આગ લગાવી દીધી હતી. બીજા કિસ્સામાં, નાદિયા જિલ્લાના કૃષ્ણનગરમાં ટીએમસી નેતાના ઘર પર બોમ્બ હુમલો કરવામાં આવ્યો હતો.SS1MS
