શર્વરીની ‘તરસ’ છીપાઈઃ બોલિવૂડ એક્ટ્રેસની જેમ ડાન્સ કરવા મળ્યો
ગીતો અને ડાન્સ લોકોને ફિલ્મ જોવા માટે આકર્ષવાનું કામ કરે છેઃ શર્વરી વાઘ
શર્વરી વાઘે ૨૦૨૧માં ‘બંટી ઔર બબલી ૨’થી સિદ્ધાંત ચતુર્વેદી સાથે બોલિવૂડમાં ડેબ્યુ કર્યું હતું
મુંબઈ,
શર્વરી વાઘે ૨૦૨૧માં ‘બંટી ઔર બબલી ૨’થી સિદ્ધાંત ચતુર્વેદી સાથે બોલિવૂડમાં ડેબ્યુ કર્યું હતું. તે આ પહેલાં ‘પ્યાર કા પંચનામા ૨’, ‘બાજીરાવ મસ્તાની’ અને ‘સોનુ કે ટીટુ કી સ્વિટી’ જેવી ઘણી ફિલ્મોમાં આસિસ્ટન્ટ ડિરેક્ટર તરીકે કામ કરી ચૂકી છે. હવે લીડ એક્ટર તરીકે ‘મૂંજ્યા’ તેની બીજી ફિલ્મ હશે. ‘મુંજ્યા’ એક હોરર કોમેડી ફિલ્મ છે. જેમાં શર્વરી સાથે અભિષેક વર્મા લીડ રોલમાં જોવા મળશે. આ ફિલ્મનું પહેલું ગીત ‘તરસ’ રિલીઝ થઈ ચૂક્યું છે. ‘તરસ’ પંજાબી આઇકોન જસ્મિન સંડલાસ દ્વારા ગાવામાં આવ્યું છે અને લિરીક્સ અમિતાભ ભટ્ટાચાર્યાએ લખ્યા છે. આ એક ડાસ નંબર છે જેમાં ડાન્સ કરતી શર્વરી ડિવા જેવી લાગે છે. આ ગીતના અનુભવ વિશે શર્વરીએ જણાવ્યું કે, “જ્યારથી મેં હિન્દી ફિલ્મોમાં લીડ રોલ કરવાનું નક્કી કર્યું ત્યારથી મારે કોઈ એક વસ્તુ કરવી હતી તો એ એક મોટું ડાન્સ નંબર હતું, મને પહેલાંથી જ તેનું આકર્ષણ હતું. હું હિન્દી ફિલ્મોની હેરોઇન્સથી ઘણી પ્રભાવિત હતી, તેમાં પણ ખાસ દરેક જનરેશનની ડાન્સિંગ આઇકોન્સથી, કે તેમણે આપણને આવા ચાર્ટબસ્ટર્સ સોંગ આપ્યા કે જેના તાલે આખો દેશ નાચે છે.” શર્વરીના મતે સિનેમા એક શો બિઝનેસ છે તેમાં ગીતો અને ડાન્સ લોકોને ફિલ્મ જોવા માટે આકર્ષવાનું કામ કરે છે. તેણે આગળ કહ્યું
કે,“આ પ્રકારના પાર્ટી સોંગ્સનો એક ટાઇમ હોય છે અને જેમણે આવા ગીતોમાં પરફોર્મ કર્યું છે તે એક્ટર્સને ઓળખ અને પ્રશંસા મળી છે.” શર્વરી તેને આ તક આપવા બદલ પ્રોડ્યુસર દિનેશ વિજનનો આભાર માને છે. ss1
