નિકોલમાં પાંચ શખ્સે યુવક અને તેના મિત્રનું અપહરણ કરીને માર માર્યો
નવી દિલ્હી, નિકોલમાં અમર જવાન સર્કલ પાસે ગાડી લે-વેચનો ધંધો કરતો યુવક અને તેના મિત્રને પાંચ શખ્સોએ અપહરણ કરીને ઢોર માર માર્યાે છે.
જૂના ઝઘડાની અદાવતમાં પાંચ શખ્સોએ યુવક અને તેના મિત્રને ગાડીમાં બેસાડી દીધા હતા. ત્યારબાદ વિશાલા નજીક આવેલા સુપ્રીમ કોમ્પલેક્ષની ઓફિસમાં લઈ જઈને યુવક અને તેના મિત્રને બાંધીને માર માર્યાે હતો. આ ઉપરાંત યુવકના માથામાં ચપ્પાનો એક ઘા મારવામાં આવ્યો હતો.
આ મામલે યુવક અને તેના મિત્રએ નિકોલ પોલીસમાં ફરિયાદ નોંધાવતા પોલીસે પાંચ શખ્સો વિરુદ્ધ ગુનો નોંધીને તપાસ હાથ ધરી છે. નિકોલમાં ૧૯ વર્ષીય યુવક પ્રદ્યુમનસિંહ સિકરવાર અભ્યાસ કરે છે અને મિત્રની સાથે ગાડી લે-વેચનો ધંધો કરીને પરિવારને મદદરૂપ બને છે.
સોમવાર રાત્રે યુવક અને તેનો મિત્ર દુકાનની બહાર બેઠા હતા. આ સમયે તેની બાજુની દુકાનમાં પણ કાર ડિલરનો ધંધો કરતા ત્રણ શખ્સો સાથે યુવકના મિત્ર રાજ કાનાણીનો અગાઉ જૂનો ઝઘડો ચાલતો હતો. આ વાતની અદાવત રાખીને ત્રણ શખ્સો યુવક અને તેના મિત્રની દુકાન સામેથી ગાળો બોલતા પસાર થતા હતા.
ગાળો કોને બોલે છે તેવું કહેતા ત્રણ શખ્સો યુવક અને તેના મિત્ર રાજ કાનાણીને મારામારી થઈ હતી. ત્રણ શખ્સો બંને યુવકને ગાડીમાં બેસાડીને વિશાલા પાસે આવેલા સુપ્રીમ કોમ્પલેક્ષમાં લઈ ગયા અને એક ઓફિસમાં બાંધી દીધા બાદ ઢોર માર મારવા લાગ્યા હતા.
આ સમયે ફરિયાદી યુવકને માથામાં ચપ્પાનો એક ઘા પણ મારી દીધો હતો. ત્યારબાદ બંને યુવકોને પાર્કિંગમાં લઈ ગયા અને ત્યાં પણ માર માર્યાે હતો. તકનો લાભ લઈને યુવકનો મિત્ર રાજ કાનાણી ફરાર થઈ ગયા બાદમાં પાંચ શખ્સો યુવકને સારવાર માટે હોસ્પિટલની બહાર મૂકીને જતા રહ્યા હતા.
ઈજાગ્રસ્ત યુવકે સારવાર લીધા બાદ નિકોલ પોલીસ સ્ટેશનમાં દિશુ ધામલિયા, રવિ અને શુભમ દસાડીયા, મૌલિક ગાબાણી તથા ઉર્વેશ વિરુદ્ધ ફરિયાદ નોંધાવતા પોલીસે અપહરણનો ગુનો નોંધીને તપાસ હાથ ધરી છે.SS1MS
