છગન ભુજબળને કોર્ટમાંથી રાહત, પરિવાર સાથે વિદેશ જવાની પરવાનગી
મુંબઈ, છગન ભુજબળે ૨૪મી મેના રોજ તેમના વકીલ સુદર્શન ખવાસે મારફત ફેમિલી હોલિડે ટ્રાવેલ માટે અરજી દાખલ કરી હતી, જેમાં જણાવ્યું હતું કે કોર્ટની પરવાનગી મેળવ્યા બાદ જ પરિવાર વિઝા અને અન્ય ઔપચારિકતા માટે જશે.
મુંબઈની વિશેષ અદાલતે સોમવારે મહારાષ્ટ્રના કેબિનેટ મંત્રી અને એનસીપી (અજિત પવાર)ના નેતા છગન ભુજબળ, તેમના પુત્ર, ભત્રીજા પંકજ અને સમીર ભુજબળને રજાઓ પર વિદેશ જવાની મંજૂરી આપી હતી. ભુજબળ પરિવાર જુલાઇ મહિનામાં પારિવારિક પ્રવાસ દરમિયાન યુનાઇટેડ કિંગડમ, યુનાઇટેડ આરબ અમીરાત અને શેંગેન દેશોની મુલાકાત લેવાની તૈયારી કરી રહ્યો છે.
મહારાષ્ટ્ર સદન કૌભાંડમાં ભુજબળ પરિવાર એન્ફોર્સમેન્ટ ડિરેક્ટોરેટ દ્વારા કાર્યવાહીનો સામનો કરી રહ્યો છે.૨૪મી મેના રોજ ભુજબળે તેમના વકીલ સુદર્શન ખવાસે મારફત ફેમિલી હોલિડે ટ્રાવેલ માટે અરજી દાખલ કરી હતી, જેમાં જણાવ્યું હતું કે પરિવાર કોર્ટની પરવાનગી મેળવ્યા બાદ જ વિઝા અને અન્ય ઔપચારિકતાઓ માટે જશે.
આ માટે ભુજબળનો પાસપોર્ટ જામીનની શરત તરીકે ઈડી પાસે જમા હોવાથી કામચલાઉ સમય માટે પાસપોર્ટ પરત કરવાની માંગણી પણ કરવામાં આવી હતી.
ભુજબળ ઉપરાંત આ કેસના અન્ય એક આરોપી નિલેશ શાહુએ પણ ભુજબળ સાથે તે જ દેશોમાં પ્રવાસ કરવા માટે જુલાઈ મહિનામાં આવી જ અરજી કરી હતી, જેમને પ્રવાસની પરવાનગી મળી છે.
જ્યારે ઈડીએ પરિવારની મુસાફરીની યોજનાનો વિરોધ કર્યાે હતો, ત્યારે વિશેષ અદાલતે ભુજબળને રજા પર જતા પહેલા તપાસ એજન્સીને મુસાફરીનો કાર્યક્રમ આપવાનો નિર્દેશ આપ્યો હતો, જેથી તેઓ રજા પર જઈ શકે.કોર્ટે એન્ફોર્સમેન્ટ ડિરેક્ટોરેટને ભુજબળનો પાસપોર્ટ તેમને સોંપવાનો નિર્દેશ આપ્યો હતો.
ભુજબળ અને શાહુને ભારત છોડતા પહેલા આ કોર્ટની રજિસ્ટ્રીમાં ૨ લાખ રૂપિયાની જામીન રકમ જમા કરાવવાનો નિર્દેશ આપવામાં આવ્યો છે.
સ્પેશિયલ જજ રાહુલ રોકડેએ સ્પષ્ટ કર્યું હતું કે જો ભુજબળે વિદેશ પ્રવાસ માટે અગાઉ કોઈ રકમ જમા કરાવી હોય અને જો તે ઉપાડ નહીં કરે તો તેને વર્તમાન પ્રવાસ માટે જમા રકમ તરીકે ગણવામાં આવશે.કોર્ટે ભુજબળને તેમનો સંપર્ક કરવા માટે ઈડી મુંબઈની ઓફિસને તેમનો મોબાઈલ નંબર આપવાનો પણ નિર્દેશ આપ્યો હતો. આ સિવાય તેને ભારત પરત ફર્યા બાદ તેનો પાસપોર્ટ ઈડીને જમા કરાવવા અને તેની જાણકારી આપવાનો નિર્દેશ આપવામાં આવ્યો છે.SS1MS
