‘દિલ્હીમાં પાણીની અછતનું કારણ AAP સરકારનો ગેરવહીવટ છે’
છેલ્લા ઘણા સમયથી દિલ્હી સરકાર હરિયાણામાંથી અપૂરતું પાણી મેળવવાના સતત પાયાવિહોણા આરોપો લગાવી રહી છે
નવી દિલ્હી, દિલ્હીમાં ચાલી રહેલા જળ સંકટ વચ્ચે હરિયાણાના જળ સંસાધન મંત્રી અભય સિંહ યાદવે કહ્યું છે કે દિલ્હીમાં પાણીની સમસ્યા આમ આદમી પાર્ટીની સરકારના “આંતરિક ગેરવહીવટ”ના કારણે ઉભી થઈ છે. યાદવે ભાજપ શાસિત હરિયાણા દિલ્હીને પાણીનો જરૂરી હિસ્સો પૂરો પાડતું નથી
તેવા દિલ્હી સરકારના આક્ષેપને “પાયાવિહોણા” અને “તથ્યોની બહાર” તરીકે નકારી કાઢ્યો હતો. તેમણે ભારપૂર્વક જણાવ્યું હતું કે હરિયાણા હાલમાં દિલ્હીને ૧,૦૫૦ ક્યુસેક પાણી પૂરું પાડે છે, જે ૭૧૯ ક્યુસેકની ફરજિયાત ફાળવણી કરતાં વધુ છે.
સિંચાઈ અને જળ સંસાધન રાજ્ય મંત્રી યાદવે દિલ્હીમાં મીડિયા સાથે વાત કરતા કહ્યું કે હરિયાણા પાણીના મુદ્દા પર રાજનીતિ કરતું નથી, પરંતુ પાણીને મૂળભૂત જરૂરિયાત માને છે. મંત્રીએ ભારપૂર્વક જણાવ્યું હતું કે રાષ્ટ્રીય રાજધાનીમાં પાણીનો પુરવઠો સુનિશ્ચિત કરવો એ એક સામૂહિક જવાબદારી છે,
જેને હરિયાણા કોઈપણ ખચકાટ વિના પૂર્ણ કરી રહ્યું છે. યાદવે કહ્યું કે તાજેતરમાં સુપ્રીમ કોર્ટમાં છછઁ સરકારની અરજીના જવાબમાં હરિયાણા સરકારે દિલ્હીને તેના પાણી પુરવઠાના ડેટા સબમિટ કર્યા છે.તેમણે કહ્યું, “આ ડેટા ૨૩ મે થી ૧૨ જૂન, ૨૦૨૪ સુધીના સમયગાળા માટે છે,
જે દર્શાવે છે કે હરિયાણાએ દિલ્હી માટે મુનાક હેડ પર સતત ૧,૦૫૦ ક્યુસેક પાણી છોડ્યું છે ૯૨૪ ક્યુસેક પાણી બવાના પોઈન્ટ પર મોકલવામાં આવ્યું હતું. યાદવે કહ્યું કે સંપૂર્ણ પાણી મેળવવાની સત્તાવાર મીટિંગમાં સ્વીકારવા છતાં, દિલ્હી સરકાર મીડિયા અને રાજકીય મંચોમાં ભ્રામક અને અતિશયોક્તિપૂર્ણ આંકડાઓ રજૂ કરી રહી છે.
હરિયાણા સિંચાઈ વિભાગના કમિશનર અને સચિવ પંકજ અગ્રવાલ અને અન્ય રાજ્ય અધિકારીઓ સાથે દિલ્હી પહોંચેલા યાદવે જણાવ્યું હતું કે હરિયાણા દિલ્હીને ફાળવેલ પાણી સતત સપ્લાય કરી રહ્યું છે, પરંતુ ચોક્કસ ડેટા સાથે તેમના દાવાને સમર્થન આપ્યું હતું. હરિયાણાના મંત્રીએ કહ્યું,
‘દિલ્હી ૬૧૩ સ્ય્ડ્ઢ (૧,૧૪૧ ક્યુસેક)ની માંગ કરી રહી છે, જે અપર યમુના રિવર બોર્ડ દ્વારા તેના રિપોર્ટમાં ઉલ્લેખિત આંકડા કરતાં વધુ છે (મુનાક ખાતે ૧,૦૧૧ ક્યુસેક અને બવાના ખાતે ૯૨૪ ક્યુસેક).’તેમણે દાવો કર્યાે હતો કે, ‘દિલ્હીના જલ (જળ) મંત્રીના પત્રે પણ સ્વીકાર્યું છે કે
દિલ્હીને ૧૮ જૂન, ૨૦૨૪ના રોજ ૫૧૩ સ્ય્ડ્ઢ અથવા ૯૫૪ ક્યુસેક પાણી મળી રહ્યું છે, જે એ હકીકતની પુષ્ટિ કરે છે કે હરિયાણાએ હંમેશા દિલ્હીને સંપૂર્ણ પાણી પૂરું પાડ્યું છે અને કોઈપણ દિલ્હીમાં પાણીની તંગી માત્ર દિલ્હીના આંતરિક ગેરવહીવટને કારણે છે.” દિલ્હી સરકારની ટીકા કરતા,
તેમણે ‘આંતરિક ગેરવહીવટને સંબોધવાને બદલે પાણીના મુદ્દા પર રાજકીય નાટક’ કરવાનો આરોપ લગાવ્યો.મંત્રીએ આરોપ લગાવ્યો કે છેલ્લા ઘણા વર્ષાેથી દિલ્હી સરકાર હરિયાણામાંથી અપૂરતા પાણી પુરવઠાના સતત પાયાવિહોણા આક્ષેપો કરી રહી છે અને દરેક વખતે હરિયાણાએ સાબિત કર્યું છે કે આ દાવાઓ પાયાવિહોણા છે.
તેમણે કહ્યું કે દિલ્હી સરકાર માટે પાણી સંબંધિત મુદ્દાઓનું નાટકીયકરણ કરવું સામાન્ય બની ગયું છે, જ્યારે હરિયાણા પાણીની બાબતોને નિષ્પક્ષ અને પારદર્શક રીતે સંભાળી રહ્યું છે. યાદવે પૂછ્યું કે શું દિલ્હી સરકાર સ્વીકારે છે કે હરિયાણા સતત તેનો સંપૂર્ણ હિસ્સો દિલ્હીને આપે છે.
