ઇઝરાયલી સૈનિકોએ ઘાયલ પેલેસ્ટિનિયનને જીપની આગળ બાંધીને હોસ્પિટલ લઇ ગયા
નવી દિલ્હી, ઇઝરાયેલની સેનાએ શનિવારે પશ્ચિમ કાંઠાના જેનિનમાં દરોડા પાડ્યા હતા. દરમિયાન, આઈડીએફ એક ઘાયલ પેલેસ્ટિનિયન વ્યક્તિને લશ્કરી જીપના બોનેટ સાથે બાંધીને લઈ જતો એક વીડિયો સોશિયલ મીડિયા પર વાયરલ થઈ રહ્યો છે.
આ ઘટનાનો વીડિયો ઈન્ટરનેટ પર વાયરલ થયા બાદ ઈઝરાયેલી સેનાએ આ વાતની પુષ્ટિ કરી છે. વીડિયોમાં જોઈ શકાય છે કે એક ઘાયલ સ્થાનિક વ્યક્તિને ઈઝરાયેલી સેનાની જીપના હૂડ સાથે બાંધવામાં આવ્યો છે. તેની ઓળખ મુજાહિદ આઝમી તરીકે થઈ છે.
સમાચાર એજન્સી રોયટર્સે તેના અહેવાલમાં જણાવ્યું હતું કે વીડિયો ફૂટેજની તારીખ અને જીપની આગળ બાંધેલી વ્યક્તિની ઓળખ પ્રત્યક્ષદર્શીઓ સાથેની મુલાકાત દ્વારા પુષ્ટિ કરવામાં આવી છે.
મુજાહિદ આઝમીના પરિવારના જણાવ્યા અનુસાર, ઈઝરાયેલના સૈનિકોએ કરેલા ગોળીબારમાં તે ઘાયલ થયો હતો. પરિવારે કહ્યું, ‘જ્યારે અમે આઝમી માટે એમ્બ્યુલન્સની વિનંતી કરી ત્યારે ઇઝરાયલી સૈનિકોએ તેમને તેમની સૈન્ય જીપના હૂડ સાથે બાંધી દીધા અને લઈ ગયા.’આઝમીના પિતરાઈ ભાઈએ રોઈટર્સને જણાવ્યું કે તેને જેનીન સરકારી હોસ્પિટલમાં લઈ જવામાં આવ્યો હતો.
ઇઝરાયેલી સેનાએ રોઇટર્સને જણાવ્યું હતું કે આ ઘટનાની તપાસ કરવામાં આવી રહી છે અને જે તથ્યો સામે આવશે તેના આધારે આગળની કાર્યવાહી કરવામાં આવશે.
“ઓર્ડર અને સ્ટાન્ડર્ડ ઓપરેટિંગ પ્રક્રિયાઓનું ઉલ્લંઘન કરીને, સુરક્ષા દળો દ્વારા શંકાસ્પદ વ્યક્તિને વાહન સાથે બાંધીને લઈ જવામાં આવ્યો હતો,” ઇઝરાયેલી સૈન્યએ એક નિવેદનમાં જણાવ્યું હતું. ઘટનાના વીડિયોમાં સુરક્ષા દળોનું વર્તન આઈડીએફના મૂલ્યોને અનુરૂપ નથી.
હમાસ સંચાલિત રાજ્ય મીડિયા કાર્યાલયના નિર્દેશક ઇસ્માઇલ અલ-થબ્તાએ જણાવ્યું હતું કે પેલેસ્ટિનિયન પ્રદેશના ઉત્તરમાં ગાઝા શહેરના વિવિધ વિસ્તારોમાં શનિવારે ઇઝરાયેલના હુમલામાં ઓછામાં ઓછા ૪૨ લોકો માર્યા ગયા હતા. અલ-થબ્તાએ રોઇટર્સને જણાવ્યું હતું કે ગાઝા પટ્ટીના આઠ શરણાર્થી શિબિરોમાંથી એક અલ-શાતી પર ઇઝરાયેલના હુમલામાં ૨૪ લોકો માર્યા ગયા હતા.
અલ-તફાહમાં ઈઝરાયેલના હુમલામાં અન્ય ૧૮ પેલેસ્ટાઈનના મોત થયા હતા.ઇઝરાયેલી સૈન્યએ એક સંક્ષિપ્ત નિવેદન જારી કરીને કહ્યુંઃ ‘થોડા સમય પહેલા, આઈડીએફ યુદ્ધ વિમાનોએ ગાઝા શહેરના વિવિધ વિસ્તારોમાં હમાસના બે લશ્કરી માળખાગત સ્થળો પર હુમલો કર્યાે હતો.
હમાસે તેના લશ્કરી માળખાને નુકસાન પહોંચાડવાના ઇઝરાયેલના દાવાઓ પર ટિપ્પણી કરી નથી. તેણે કહ્યું કે ઇઝરાયેલના હુમલાએ નાગરિક વસ્તીને નિશાન બનાવ્યું અને એક નિવેદનમાં વચન આપ્યું કે ઇઝરાયેલ ‘અમારા લોકો સામે હિંસાની કિંમત ચૂકવશે’.SS1MS
