રાજ્યપાલને આપવામાં આવેલી છૂટ સામે સુપ્રીમમાં અરજી કરી
Files Photo
નવી દિલ્હી, પશ્ચિમ બંગાળના રાજ્યપાલ સીવી આનંદ બોઝ પર છેડતીનો આરોપ મૂકનાર મહિલાએ બંધારણની કલમ ૩૬૧ હેઠળ તેમને આપવામાં આવેલી ‘સંપૂર્ણ પ્રતિરક્ષા’ વિરુદ્ધ સુપ્રીમ કોર્ટમાં અરજી કરી છે. આ મહિલા બંગાળ રાજભવનમાં કોન્ટ્રાક્ટ પર કામ કરે છે.
બંધારણના અનુચ્છેદ ૩૬૧ મુજબ, રાજ્યપાલ વિરુદ્ધ તેમના કાર્યકાળ દરમિયાન કોઈપણ કોર્ટમાં ફોજદારી કાર્યવાહી શરૂ કરી શકાતી નથી.
મહિલા અરજદારે સર્વાેચ્ચ અદાલત પાસે કેન્દ્ર સરકારને ચોક્કસ માર્ગદર્શિકા તૈયાર કરવા નિર્દેશ આપવા માંગ કરી છે, જેના હેઠળ રાજ્યપાલોને તમામ પ્રકારના ફોજદારી કેસોમાં ઇમ્યુનિટી ન આપવી જોઈએ.અરજીમાં કહેવામાં આવ્યું છે કે, ‘આ કોર્ટે નક્કી કરવાનું છે કે શું અરજદાર જેવી પીડિતાને ન્યાય આપવાનો ઇનકાર કરી શકાય. તેમનો એક માત્ર વિકલ્પ છે કે આરોપી પદ છોડે તેની રાહ જોવી.
આનાથી કેસ દાખલ કરવામાં વિલંબ થશે અને તે કોર્ટમાં સુનાવણી દરમિયાન આ વિલંબને યોગ્ય ઠેરવી શકશે નહીં. આ રીતે આ સમગ્ર પ્રક્રિયા માત્ર દેખાડો બનીને રહી જશે અને પીડિતને કોઈ ન્યાય નહીં મળે.
અરજીમાં પીડિતાએ પશ્ચિમ બંગાળ પોલીસ દ્વારા મામલાની તપાસ અને પોતાની અને તેના પરિવારની સુરક્ષા તેમજ તેની પ્રતિષ્ઠાને થયેલા નુકસાન માટે સરકાર પાસેથી વળતરની માંગ કરી છે.
રાજભવનની એક કોન્ટ્રાક્ટવાળી મહિલા કર્મચારીએ કોલકાતા પોલીસમાં ફરિયાદ નોંધાવી હતી કે સીવી આનંદ બોઝે ૨૪ એપ્રિલ અને ૨ મેના રોજ ગવર્નર હાઉસમાં તેની સાથે છેડતી કરી હતી.
તેણે બોઝ પર તેની ક્રિયાઓ પરથી ધ્યાન હટાવવા માટે યુક્તિઓનો ઉપયોગ કરવાનો આરોપ મૂક્યો અને આગ્રહ કર્યાે કે તેણે પોલીસને તપાસની શરૂઆતમાં રાજભવન સંકુલમાંથી સીસીટીવી ફૂટેજ એકત્રિત કરવાની મંજૂરી આપવી જોઈતી હતી.
૨ મેના રોજ, સાંજે ૫.૩૨ થી ૬.૪૧ વાગ્યા સુધી, રાજભવનના ગ્રાઉન્ડ ફ્લોર પર સેન્ટ્રલ માર્બલ હોલમાં મુખ્ય (ઉત્તર) ગેટ પર સ્થાપિત બે સીસીટીવી કેમેરાના ફૂટેજ પસંદગીના લોકો અને પત્રકારોને બતાવવામાં આવ્યા હતા.
પ્રથમ ફૂટેજમાં, મહિલા કર્મચારી, જીન્સ અને ટોપ પહેરેલી, તે દિવસે વડા પ્રધાન નરેન્દ્ર મોદીની નિર્ધારિત મુલાકાત માટે રાજભવન સંકુલમાં તૈનાત મોટી સંખ્યામાં પોલીસ કર્મચારીઓની વચ્ચે રાજ્યપાલના ઘરની અંદર પોલીસ ચોકી તરફ દોડતી જોવા મળી હતી.
બીજા ફૂટેજમાં, ફાયર ટેન્ડરો અને પોલીસકર્મીઓ સહિત વિવિધ વાહનો રાજભવનના ઉત્તરી દરવાજા પર તેમની નિયમિત ફરજ માટે કતારમાં ઉભા જોવા મળ્યા હતા. જોકે, આરોપ લગાવનાર મહિલા કર્મચારી આ સીસીટીવી ફૂટેજમાં જોવા મળી નથી.
મહિલાના આરોપના વિવાદ વચ્ચે સીવી આનંદ બોઝે ૨૮ જૂને મુખ્યમંત્રી મમતા બેનર્જી વિરુદ્ધ માનહાનિનો કેસ દાખલ કર્યાે હતો. મુખ્યમંત્રી મમતા બેનર્જીએ દાવો કર્યાે હતો કે ઘણી મહિલાઓએ તેમને ફરિયાદ કરી હતી કે તેઓ ત્યાં થઈ રહેલી ગતિવિધિઓને કારણે રાજભવન જવાથી ડરે છે. સીવી આનંદ બોઝની અરજી પર આજે કલકત્તા હાઈકોર્ટમાં કેસની સુનાવણી થવાની છે.SS1MS
