સ્ટાલિન સરકારે લોકો પર વીજળીના બિલનો બોજ ૪.૮૩% વધાર્યો
તમિલનાડુ, દેશની રાજધાની દિલ્હી બાદ હવે તમિલનાડુમાં વીજળીના ભાવમાં વધારો કરવામાં આવ્યો છે. તમિલનાડુની સ્ટાલિન સરકારે વીજળીના બિલમાં ૪.૮૩%નો વધારો કર્યાે છે.
નવા વધેલા દરો અનુસાર હવે ૦ થી ૪૦૦ યુનિટ સુધી વીજળી વાપરવા માટે બિલ ૪ રૂપિયા ૬૦ પૈસાને બદલે ૪ રૂપિયા ૮૦ પૈસા ચૂકવવું પડશે.તમિલનાડુ સરકારના વધેલા ભાવો અનુસાર, ૪૦૧ યુનિટથી ૫૦૦ યુનિટનો ઉપયોગ કરવા માટે, ગ્રાહકે ૬ રૂપિયા ૧૫ પૈસાથી લઈને ૬ રૂપિયા ૪૫ પૈસા પ્રતિ યુનિટ ચૂકવવા પડશે.
તે જ સમયે, ૫૦૧ યુનિટથી ૬૦૦ યુનિટનો ઉપયોગ કરવા માટે, ચુકવણી ૮ રૂપિયા ૧૫ પૈસાથી વધારીને ૮ રૂપિયા ૫૫ પૈસા કરવી પડશે.સરકારે ૬૦૧ થી ૮૦૦ યુનિટનો ઉપયોગ કરતા લોકોના ભાવમાં પણ ફેરફાર કર્યાે છે.
હવે ૬૦૧ થી ૮૦૦ યુનિટ વીજળી વાપરવા માટે ૯ રૂપિયા ૨૦ પૈસાના બદલે ૯ રૂપિયા ૬૫ પૈસા ચૂકવવા પડશે. આ સાથે ૮૦૧ યુનિટથી ૧૦૦૦ યુનિટ સુધીના વપરાશ માટે ૧૦ રૂપિયા ૨૦ પૈસાના બદલે ૧૦ રૂપિયા ૭૦ પૈસા ચૂકવવા પડશે. તે જ સમયે, ૧૦૦૦ થી વધુ યુનિટ્સ માટે તમારે ૧૧ રૂપિયા ૮૦ પૈસા ચૂકવવા પડશે.
નવો ટેરિફ ૧ જુલાઈથી લાગુ કરવામાં આવ્યો છે.તમને જણાવી દઈએ કે દિલ્હીમાં પણ ગત મહિનાથી વીજળીના બિલની કિંમતમાં વધારો કરવામાં આવ્યો છે. અહીં મે મહિનાથી વીજળીના ભાવમાં વધારો કરવામાં આવી રહ્યો છે. આ વધારો ૧ મેથી ૩ મહિના માટે લાગુ કરવામાં આવ્યો છે. આ પછી, વીજળીના દરો નક્કી કરતી ડીઇઆરસી, વીજ કંપનીઓની અરજી અનુસાર આદેશો આપશે.SS1MS
