જમ્મુ-કાશ્મીરઃ ભાડૂઆતોની વિગતો ન આપવા બદલ ૧૧ મકાનમાલિકો સામે કેસ
જમ્મુ-કાશ્મીર, જમ્મુ-કાશ્મીરમાં સતત થઈ રહેલા આતંકી હુમલાઓને લઈને પોલીસ કડક થઈ ગઈ છે. આ અંગે પોલીસ હવે મકાન માલિકો પાસેથી ભાડૂતોની વિગતો માંગી રહી છે. સાથે જ વિગતો ન આપનાર સામે કાર્યવાહી કરવામાં આવી રહી છે.
જમ્મુ અને કાશ્મીરના સાંબા જિલ્લામાં ૧૧ મકાનમાલિકો દ્વારા તેમના ભાડૂતોની વિગતો ન આપવા બદલ એફઆઈઆર દાખલ કરવામાં આવી છે. એક સત્તાવાર પ્રવક્તાએ સમાચાર એજન્સી પીટીઆઈને આ માહિતી આપી.
પ્રવક્તાએ જણાવ્યું હતું કે જમ્મુમાં ભાડૂતો અને ઘરેલું સહાયકોના વેશમાં રહેણાંક વિસ્તારોમાં રહેતા રાષ્ટ્રવિરોધી તત્વોના ઘણા કેસો પ્રકાશમાં આવ્યા બાદ ચકાસણી પ્રક્રિયા શરૂ કરવામાં આવી હતી.પ્રવક્તાએ કહ્યું કે આ અભિયાન દરમિયાન ભારતીય ન્યાય સંહિતા હેઠળ સાંબા, વિજયપુર અને રાજપુરા પોલીસ સ્ટેશનમાં ૧૧ કેસ નોંધાયા છે.
સામ્બા જિલ્લા મેજિસ્ટ્રેટે પહેલાથી જ માલિકોને ભાડૂતોનું પોલીસ વેરિફિકેશન કરાવવાના આદેશો જારી કર્યા છે. તેમ છતાં કેટલાક મકાનમાલિકો તેમના ભાડૂતોની વિગતો આપતા નથી.તે જ સમયે, પોલીસે રહેવાસીઓને અપીલ કરી છે કે તેઓ આગળ આવે અને તેમના ભાડૂતો અને ઘરના સહાયકોની સંપૂર્ણ વિગતો તેમના નજીકના પોલીસ સ્ટેશનમાં પ્રદાન કરે અને સમયસર વેરિફિકેશન કરાવે.
પોલીસનું માનવું છે કે ભાડૂતોની ચકાસણીના અભાવે અનેક રાષ્ટ્રવિરોધી ઘટનાઓ પ્રકાશમાં આવી છે કારણ કે આતંકવાદીઓ ભાડુઆત તરીકે રહીને આતંકવાદી પ્રવૃતિઓ કરી રહ્યા છે.SS1MS
