દિગ્ગજ ક્રિકેટર અને ભૂતપૂર્વ કોચ અંશુમાન ગાયકવાડનું નિધન
નવી દિલ્હી, પૂર્વ ભારતીય ક્રિકેટર અને ટીમ ઈન્ડિયાના કોચ અંશુમન ગાયકવાડનું નિધન થયું છે. તેઓ લાંબા સમયથી બ્લડ કેન્સર સામે ઝઝૂમી રહ્યા હતા. ગાયકવાડે તેની ૪૦ ટેસ્ટ મેચોની કારકિર્દીમાં ૩૦.૦૭ની સરેરાશથી ૧૯૮૫ રન બનાવ્યા, જેમાં ૨ સદી અને ૧૦ અડધી સદી સામેલ છે.
તેનો સર્વશ્રેષ્ઠ સ્કોર ૨૦૧ રન હતો, જે તેણે પાકિસ્તાન સામે બનાવ્યો હતો. અંશુમન ગાયકવાડનું નિધનઃ પૂર્વ ભારતીય ક્રિકેટર અને ટીમ ઈન્ડિયાના કોચ અંશુમન ગાયકવાડનું નિધન થયું છે. તેઓ લાંબા સમયથી બ્લડ કેન્સર સામે ઝઝૂમી રહ્યા હતા. અંશુમનની હાલત જોઈને કપિલ દેવે મદદ કરવાની પહેલ કરી.
કપિલે અંશુમનની મદદ માટે પોતાનું પેન્શન દાન કરવાનો નિર્ણય લીધો હતો.મોહિન્દર અમરનાથ, સંદીપ પાટીલ, મદન લાલ અને કીર્તિ આઝાદ પણ તેમના સાથી ખેલાડીઓની મદદ માટે આગળ આવ્યા. ભારતીય ક્રિકેટ કંટ્રોલ બોર્ડે પણ પોતાનો ટેકો આપ્યો અને અંશુમનની સારવાર માટે ૧ કરોડ રૂપિયાની જાહેરાત કરી.
અંશુમને ૨૭ ડિસેમ્બર ૧૯૭૪ના રોજ કોલકાતામાં વેસ્ટ ઈન્ડિઝ સામે ટેસ્ટ ક્રિકેટમાં પ્રવેશ કર્યાે હતો. ટેસ્ટ મેચમાં તેનો છેલ્લો દેખાવ કોલકાતા ટેસ્ટમાં હતો જે ૧૯૮૪ના છેલ્લા દિવસે ઇંગ્લેન્ડ સામે શરૂ થયો હતો.ગાયકવાડે તેની ૪૦ ટેસ્ટ મેચોની કારકિર્દીમાં ૩૦.૦૭ની સરેરાશથી ૧૯૮૫ રન બનાવ્યા, જેમાં ૨ સદી અને ૧૦ અડધી સદી સામેલ છે.
તેનો સર્વશ્રેષ્ઠ સ્કોર ૨૦૧ રન હતો, જે તેણે પાકિસ્તાન સામે બનાવ્યો હતો. ગાયકવાડે ભારત માટે ૧૫ૅડ્ઢૈં મેચોમાં પણ ભાગ લીધો હતો, જેમાં તેના નામે ૨૦.૬૯ની એવરેજથી ૨૬૯ રન છે.૭૧ વર્ષીય અંશુમને ૨૦૬ ફર્સ્ટ ક્લાસ મેચોમાં ૪૧.૫૬ની એવરેજથી ૧૨,૧૩૬ રન બનાવ્યા હતા.
આ દરમિયાન તેણે ૩૪ સદી અને ૪૭ અડધી સદી ફટકારી છે. ફર્સ્ટ ક્લાસ ક્રિકેટમાં તેનો સર્વશ્રેષ્ઠ સ્કોર ૨૨૫ રન હતો. આ સિવાય ગાયકવાડે ૫૫ લિસ્ટ-એ મેચો પણ રમી હતી, જેમાં તેણે ૩૨.૬૭ની એવરેજથી કુલ ૧૬૦૧ રન બનાવ્યા હતા.ક્રિકેટમાંથી નિવૃત્તિ લીધા બાદ અંશુમને કોચિંગને તેની કારકિર્દી તરીકે લીધી.
તેઓ ૧૯૯૭-૯૯ દરમિયાન ભારતીય ક્રિકેટ ટીમના મુખ્ય કોચ હતા. ગાયકવાડે ગુજરાત સ્ટેટ ફર્ટિલાઇઝર્સ એન્ડ કેમિકલ્સ લિમિટેડ માટે પણ કામ કર્યું હતું અને ૨૦૦૦માં આ કંપનીમાંથી નિવૃત્ત થયા હતા.જૂન ૨૦૧૮ માં, ભારતીય ક્રિકેટ કંટ્રોલ બોર્ડે ગાયકવાડને લાઈફટાઈમ અચીવમેન્ટ એવોર્ડથી સન્માનિત કર્યા. અંશુમન ગાયકવાડના પિતા દત્તા ગાયકવાડે પણ ટેસ્ટ ક્રિકેટમાં ભારતનું પ્રતિનિધિત્વ કર્યું હતું.SS1MS
