શ્રાવણના સોમવારે અનન્યાએ ઘરે બિલિપત્રથી શિવજીનું પૂજન કર્યું
મુંબઈ, નવા ઘરમાં શિફ્ટ થયાં બાદ અનન્યા પાંડેએ પ્રથમ શ્રાવણ મહિનાની ભક્તિસભર ઉજવણી કરી છે. શ્રાવણના સોમવારે અભિષેક અને બિલિપત્ર સાથે અનન્યાએ શિવજીનું પૂજન કર્યું હતું. અનન્યાએ ઈન્સ્ટાગ્રામ પર શેર કરેલા ફોટોગ્રાફમાં તેણે બંને હાથ જોડેલા છે.
ભગવાન શિવજીના સ્થાપન અને શણગાર સાથે પૂજનનું દૃશ્ય તેમાં જોવા મળે છે. સ્થાપનની જગ્યાન તેણે કમળ અને ગલગોટાથી સજાવેલું છે. અન્ય એક ફોટોગ્રાફમાં શિવલિંગનો ક્લોઝઅપ સીન દેખાય છે. કેપ્શનમાં અનન્યાએ માત્ર શ્રાવણ સોમવાર લખેલુ હતું.
અનન્યાની માતા ભાવનાએ ઓમ નમઃ શિવાય લખી જવાબ આપ્યો હતો. અનન્યાએ પાછલા વર્ષે નવું ઘર ખરીદ્યુ હતું અને ત્યારબાદ ધનતેરસનું પૂજન કર્યું હતું. અનન્યા છેલ્લે ‘ખો ગયે હમ કહાં’માં સિદ્ધાંત ચતુર્વેદી અને આદર્શ ગૌરવ સાથે જોવા મળી હતી. આગામી મહિને તેનો વેબ શો ‘કોલ મી બે’ રિલીઝ થઈ રહ્યો છે.SS1MS
