1.87 કરોડની કિંમતનું અફઘાન હશીશ દરિયા કિનારેથી મળ્યું
પ્રતિકાત્મક
માછીમારોની બાતમી પરથી એસઓજીએ ૩ પેકેટ ઝડપ્યા
સુરત, ગુજરાતની સુરત પોલીસના સ્પેશિયલ ઓપરેશન ગ્રુપ એ મંગળવારે હજીરા બીચ પરથી ૧.૮૭ કરોડ રૂપિયાની કિંમતનું ૩ કિલો ૭૫૪ કિલો અફઘાની હેશીશ જપ્ત કર્યું છે. એસઓજીના જણાવ્યા અનુસાર, હજીરા વિસ્તારમાં આવેલી શેલ કંપનીની પાછળ ટાંકી નંબર ૧૦૦૧ અને ૧૦૦૨થી લગભગ ૫૦૦ મીટર દૂર દરિયા કિનારે નિર્જન વિસ્તારમાંથી હશીશના ત્રણ પેકેટ મળી આવ્યા હતા. અગાઉ ૨૦૨૩માં પણ એસઓજીની ટીમે દરિયા કિનારેથી અફઘાન હાશિશનો જંગી જથ્થો ઝડપ્યો હતો.
પરંતુ બંને કેસમાં હજુ સુધી કોઈની ધરપકડ કરવામાં આવી નથી.માછીમારોની બાતમી પરથી એસઓજીની ટીમે દરિયા કિનારે હજીરા સેલ કંપનીની પાછળથી ૩ કિલો ૭૫૪ ગ્રામ અફઘાન હશીશનો જથ્થો ઝડપ્યો હતો. આ અફઘાની હશીશની આંતરરાષ્ટ્રીય બજારમાં કિંમત ૧ કરોડ ૮૭ લાખ ૭૦ હજાર રૂપિયા છે. આ બીજી વખત છે જ્યારે સુરતની એસઓજી ટીમે દરિયા કિનારેથી કરોડો રૂપિયાની કિંમતનો અફઘાન હાશિશ ઝડપ્યો છે.
પોલીસની નજરથી બચવા માટે તસ્કરોએ આ પેકેટ દરિયામાં ફેંકી દીધા હોવાની આશંકા છે.જણાવવામાં આવી રહ્યું છે કે, આ હશીશનો જથ્થો એક દિવસ પહેલા વલસાડમાંથી મળી આવ્યો હતો તેટલો જ છે. પોલીસનું કહેવું છે કે આ અફઘાન હશીશ દાણચોરી માટે લાવવામાં આવી રહી હતી. પરંતુ કોઇ કારણસર તસ્કરો ચરસ ફેંકીને સ્થળ પરથી ફરાર થઇ ગયા હતા.
એસઓજીની ટીમે ગુનો નોંધી તપાસ શરૂ કરી છે. ઉપરાંત તસ્કરોને પકડવાની કામગીરી પણ તેજ કરવામાં આવી છે.તમને જણાવી દઈએ કે, ગયા વર્ષે સુરત એસઓજી અને ક્રાઈમ બ્રાન્ચે સુવાલી અને દામકા બીચ પરથી ૩૦ કિલોથી વધુ અફઘાન હશીશ જપ્ત કરી હતી. જેની કિંમત ૪.૮ કરોડ રૂપિયા હતી.
સપ્ટેમ્બર ૨૦૨૩ માં, સુરત પોલીસે રૂ. ૪.૧૫ કરોડની કિંમતનું ૮.૩૧ કિલો અને રૂ. ૬.૫૬ કરોડની કિંમતનું ૧૩ કિલો હશીશ જપ્ત કર્યું હતું. પોલીસનું કહેવું છે કે મામલાની ઊંડાણપૂર્વક તપાસ કરવામાં આવી રહી છે અને ટૂંક સમયમાં જ આરોપીઓની ધરપકડ કરવામાં આવશે.
