પશ્ચિમ બંગાળના રાજયપાલે અમિત શાહ પાસે મળવાનો સમય કેમ માંગ્યો? શું રાજકીય ઉથલપાથલના એંધાણ છે?
પીએમ રિપોર્ટમાં મૃતક મહિલા તબીબ પર અમાનુષી અત્યાચાર અને બળાત્કારની પૃષ્ટિ
(એજન્સી)કોલકાતા, કોલકાત્તામાં મહિલા તબીબ પર બળાત્કાર અને અમાનુષી અત્યાચાર ગુજારી તેની કરવામાં આવેલી કરપીણ હત્યાના દેશભરમાં ઘેરાપ્રત્યાઘાત પડ્યા છે દેશભરમાં તબીબો વિરોધ પ્રદર્શન કરી રહયા છે. આ ઘટનાની પ્રારંભમાં સ્થાનિક પોલીસની નિષ્ક્રિયતા અને હોસ્પિટલના વડાના બેજવાબદારી ભર્યાં નિવેદનથી મામલો વધુ ઉગ્ર બન્યો છે. West Bengal Governor CV Ananda Bose says, “Bengal is not a place safe for women.
આ ઉપરાંત અન્ય ઘટનાઓના કારણે પશ્ચિમ બંગાળની મમતા સરકાર પણ ભારે ટીકાઓ થઈ રહી છે. કોલકાત્તા રેપ મર્ડર કેસના પગલે રાજયપાલે પશ્ચિમ બંગાળ મહિલાઓ માટે સુરક્ષિત નહી હોવાનું જણાવી મમતા સરકાર પર આકરા પ્રહારો કર્યાં છે અને દિલ્હીમાં કેન્દ્રીય ગૃહમંત્રી અમિત શાહ અને આરોગ્ય મંત્રી જે.પી. નડ્ડા પાસે મળવાનો સમય માંગતા બંગાળમાં રાજકીય ઉથલપાથલ સર્જાય તેવા એંધાણ વર્તાઈ રહયા છે.
બીજી બાજુ આજે સીબીઆઈને હાઈકોર્ટે આરોપી સંજય રોયનો પોલીગ્રાફિક ટેસ્ટ કરવાની મંજુરી આપી છે. સાથે સાથે મૃતક મહિલા તબીબનો પીએમ રિપોર્ટ પણ જાહેર થયો છે જેમાં તેના ઉપર અમાનુષી અત્યાચાર ગુજારવા સાથે બળાત્કાર કર્યા બાદ કરપીણ હત્યા કરવામાં આવી હોવાની પુષ્ટિ થતાં જ તબીબોમાં ભારે રોષ જોવા મળી રહયો છે.
સીબીઆઈને કોલકાતા રેપ-મર્ડર કેસના આરોપી સંજય રોયનો પોલીગ્રાફી ટેસ્ટ કરાવવાની મંજૂરી મળી ગઈ છે. તપાસ એજન્સીએ કોર્ટમાં અરજી દાખલ કરી હતી. આ પહેલા એજન્સીએ આરોપીનો મનોવૈજ્ઞાનિક ટેસ્ટ કરાવ્યો હતો. હવે પોલીગ્રાફી ટેસ્ટ દ્વારા જાણી શકાશે કે છેલ્લો આરોપી કેટલું જૂઠું અને કેટલું સત્ય બોલી રહ્યો છે.
સીબીઆઈ સૂત્રોનું કહેવું છે કે સંદીપ ઘોષના નિવેદનમાં ઘણી વિસંગતતાઓ જોવા મળી છે. પીડિતાના પરિવારના નિવેદનો અને આરજી કાર હોસ્પિટલના પ્રિન્સિપાલ સંદીપ ઘોષના નિવેદનોમાં વિસંગતતા છે. સંદીપ ઘોષની ફરી પૂછપરછ કર્યા બાદ સીબીઆઈએ તેમના અનેક નિવેદનો નોંધ્યા છે.
કોલકાતાની આરજી કર મેડિકલ કોલેજમાં મહિલા ડૉક્ટર સાથે દુષ્કર્મ બાદ હત્યાના કારણે દેશભરમાં આક્રોશ છે. એવામાં હવે પદ્મ સન્માનિત તબીબો એક થઈને અવાજ ઉઠાવ્યો છે. પદ્મ પુરસ્કારથી સન્માનિત ૭૧ તબીબોએ રવિવારે વડાપ્રધાન નરેન્દ્ર મોદીને પત્ર લખીને આ ઘટના પર ચિંતા વ્યક્ત કરી છે. સાથે સાથે તબીબોની સુરક્ષા માટે અલગથી કાયદો બનાવવા માંગ કરી છે. ડૉક્ટર્સે પત્રમાં લખ્યું છે કે, ‘આવા અત્યાચારોને રોકવા માટે કડક એક્શન લેવાની જરૂર છે.
મહિલાઓ અને સ્વાસ્થ્ય કર્મીઓ વિરુદ્ધ થતી હિંસા તાત્કાલિક રોકવાની જરું છે. તબીબો તથા સ્વાસ્થ્ય કર્મીઓ વિરુદ્ધ થતી હિંસા/અત્યાચાર રોકવા માટે સરકારનો ખરડો તૈયાર છે પણ હજુ સુધી તેને સંસદમાં રજૂ કરવામાં આવ્યો નથી. આગ્રહ કરીએ છીએ તાત્કાલિક અધ્યાદેશ લાવી કાયદો બનાવવો જોઈએ અને ખરડો પસાર કરવો જોઈએ. જેથી સ્વાસ્થ્યકર્મીઓ નીડર થઈને કામ કરી શકે.’
જે તબીબોએ આ પત્રમાં સહી કરી છે જેમાં એમ્સના પૂર્વ ડિરેક્ટર રણદીપ ગુલેરિયા, આઈસીએમઆરના પૂર્વ ચીફ બલરામ ભાર્ગવ, એસ કે સરીન, ગંગારામ ટ્રસ્ટ સોસાયટીના ચેરમેન ડી. એસ. રાણા, અરવિંદ લાલ, મેદાન્તાના ચેરમેન નરેશ ત્રેહાન, ફોર્ટિસના ચેરમેન અશોક શેઠ, મહેશ વર્મા, યશ ગુલાટી, પુરુષોત્તમ લાલ જેવા જાણીતા તબીબોના નામ સામેલ છે.
કોલકાતા બળાત્કાર-હત્યા કેસની પીડિતાના પોસ્ટમોર્ટમ રિપોર્ટ અનુસાર, તેણીનું માથું, બંને ગાલ, હોઠ (ઉપર અને આંતરિક), નાક, જમણું જડબા, ગરદન (એપિગ્લોટિસની નજીક અને ઉપર) ), ડાબા હાથ, ખભા, ઘૂંટણ, પગની ઘૂંટી અને ખાનગી ભાગોમાં ઇજાઓ મળી આવી હતી. કોલકાતાની આરજી કાર મેડિકલ કોલેજ અને હોસ્પિટલના સેમિનાર હોલમાં ૯ ઓગસ્ટ, ૨૦૨૪ના રોજ પોસ્ટ ગ્રેજ્યુએટ ટ્રેઇની ડૉક્ટર મૃત હાલતમાં મળી આવ્યા હતા.
બળાત્કાર બાદ તેની હત્યા કરવામાં આવી હતી. આ મામલામાં વિગતવાર પોસ્ટમોર્ટમ રિપોર્ટ મળ્યો છે, જે પીડિતા દ્વારા સહન કરવામાં આવેલી નિર્દયતાને દર્શાવે છે. પીએમ રિપોર્ટ અનુસાર મૃતકના શરીર પર ૧૪થી વધુ ઈજાના નિશાન હતા. કોઈ ળેક્ચર જોવા મળ્યું નથી.માથા, બંને ગાલ, હોઠ , નાક, જમણા જડબા, રામરામ, ગરદન ડાબા હાથ, ખભા, ઘૂંટણ, પગની ઘૂંટી અને ખાનગી ભાગોમાં ઇજાઓ મળી આવી હતી.
બાહ્ય અને આંતરિક જનનેન્દ્રિયોનું વજન ૧૫૧ ગ્રામ હતું. પોસ્ટ મોર્ટમ રિપોર્ટમાં જણાવવામાં આવ્યું છે કે શરીરના ઘણા ભાગોમાં લોહીના ગંઠાવાની સાથે ફેફસામાં રક્તસ્ત્રાવ જોવા મળ્યો હતો.
