જર્મનીના સોલિંગેનમાં પાર્ટી કરતા લોકો પર ચાકુથી હુમલો
જર્મની, સોલિન્જેનના ૬૫૦ વર્ષ નિમિત્તે આયોજિત પાર્ટી દરમિયાન શુક્રવારે રાત્રે આ હુમલો થયો હતો. ઘટના બાદ હુમલાખોર સ્થળ પરથી નાસી જવામાં સફળ રહ્યો હતો. પોલીસે આરોપીની શોધખોળ શરૂ કરી છે. આ હુમલામાં ત્રણ લોકોના મોત થયા છે અને ઘણા લોકો ઘાયલ પણ થયા છે.
શુક્રવારે જર્મનીના સોલિંગેનમાં એક ઈવેન્ટ દરમિયાન અજાણ્યા હુમલાખોરે છરી વડે હુમલો કર્યાે હતો. આમાં ઓછામાં ઓછા ત્રણ લોકોના મોત થયા છે અને ઘણા લોકો ઘાયલ હોવાનું કહેવાય છે. રોઇટર્સના જણાવ્યા અનુસાર, સોલિંગેનની ૬૫૦મી વર્ષગાંઠની ઉજવણીમાં આયોજિત પાર્ટી દરમિયાન શુક્રવારે રાત્રે આ હુમલો થયો હતો. ઘટના બાદ હુમલાખોર સ્થળ પરથી નાસી જવામાં સફળ રહ્યો હતો.
બીજી તરફ, માહિતી મળતાની સાથે જ પોલીસ ઘટનાસ્થળે પહોંચી, ઘાયલોને હોસ્પિટલ લઈ ગયા અને લોકોને વિસ્તાર ખાલી કરવા કહ્યું. આ સાથે પોલીસે અજાણ્યા હુમલાખોરની શોધમાં સર્ચ ઓપરેશન શરૂ કર્યું છે. નજીકના સીસીટીવી ફૂટેજની તપાસ કરવામાં આવી રહી છે.
જોકે, પોલીસે ઈજાગ્રસ્તોની સ્થિતિ અંગે હાલ કંઈ કહેવાનો ઈન્કાર કર્યાે હતો. સોલિંગેનની વસ્તી ૧૬૦,૦૦૦ છે અને તે જર્મનીના બે સૌથી મોટા શહેરો કોલોન અને ડસેલડોર્ફની નજીક સ્થિત છે.આ ઘટના શહેરના મધ્યમાં ળાનહોફ નામના બજારમાં બની હતી, જ્યાં લાઇવ મ્યુઝિક માટે સ્ટેજ બનાવવામાં આવ્યું હતું.
સ્થાનિક મીડિયાના અહેવાલો અનુસાર, પાર્ટીના સહ-આયોજકોમાંના એક ફિલિપ મુલરે કહ્યું કે હુમલામાં ૯ લોકો ઘાયલ થયા છે, જેઓ જીવન અને મૃત્યુની લડાઈ લડી રહ્યા છે.
કાર્યક્રમ થોડા સમય માટે મોકૂફ રાખવામાં આવ્યો હતો. પોલીસે કોમ્બિંગ માટે સમગ્ર શહેરની નાકાબંધી કરી દીધી છે અને એલર્ટ જારી કરી દીધું છે.
આ વર્ષના મે મહિનાની શરૂઆતમાં જર્મનીના મેનહાઇમમાં એક અજ્ઞાત હુમલાખોરે જમણેરી પ્રદર્શન પર ચાકુ વડે હુમલો કર્યાે હતો, જેમાં એક પોલીસ અધિકારી સહિત ઘણા લોકો ઘાયલ થયા હતા. આ હુમલો ત્યારે થયો જ્યારે એક વૃદ્ધ વ્યક્તિ ઇસ્લામ વિરોધી કાર્યકર્તા માઈકલ સ્ટર્ગન્સબર્ગર દ્વારા બોલાવવામાં આવેલા જમણેરી વિરોધને સંબોધવાની તૈયારી કરી રહ્યો હતો.SS1MS
