છત્રપતિ શિવાજી મહારાજની પ્રતિમા પડવા બદલ મોદીએ માફી માંગી
શિવાજી અમારા માટે આરાધ્ય છે: વડાપ્રધાન-મહારાષ્ટ્રના સિંધુદુર્ગમાં છત્રપતિ શિવાજી મહારાજની પ્રતિમા પડી ગઈ હતી જેને લીધે ભારે હોબાળો થયો હતો
(એજન્સી)મુંબઈ, મહારાષ્ટ્રમાં છત્રપતિ શિવાજીની પ્રતિમા તોડી પાડવાનો મામલો ઘણા દિવસોથી ચર્ચામાં છે. રાજ્ય સરકારથી લઈને કેન્દ્ર સરકાર સુધી આ મુદ્દે સતત ચર્ચા ચાલી રહી છે. શુક્રવારે જ્યારે પીએમ મોદી મહારાષ્ટ્રના પાલઘર પહોંચ્યા ત્યારે તેમણે પોતાના સંબોધન દરમિયાન આ ઘટનાનો ઉલ્લેખ કર્યો અને સ્ટેજ પર હાથ જોડીને માથું નમાવ્યું અને કહ્યું, ‘હું માથું નમાવીને શિવાજીની પ્રતિમા પડવા બદલ માફી માગું છું.’
મહારાષ્ટ્રના પાલઘરમાં વિવિધ વિકાસ કાર્યોના ખાતમુહૂર્ત અને શિલાન્યાસ કરવા પહોંચેલા વડાપ્રધાન મોદીએ કહ્યું કે, જ્યારે મને વડાપ્રધાનનો ઉમેદવાર જાહેર કરવામાં આવ્યો હતો, ત્યારે પહેલા હું રાયગઢમાં છત્રપતિ શિવાજી મહારાજના ત્યાં ગયો હતો. થોડા દિવસો પહેલા સિંધુદુર્ગમાં જે કંઈ પણ થયું, શિવાજી માત્ર એક નામ નથી, તે માત્ર એક રાજા નથી, શિવાજી આપણા માટે આરાધ્ય છે. હું શિવજીના ચરણોમાં નમન કરું છું અને માફી માંગુ છું.
Criticising Pandit Nehru is very easy but doing rock solid work like him is very very difficult. The statue of Chhatrapati Shivaji Maharaj built by,
Pandit Nehru🗿 Modi🤡
67 Years ago 1 Year ago pic.twitter.com/9LdPGBD9TM— Newton (@newt0nlaws) August 26, 2024
આ પહેલા વડાપ્રધાન મોદીએ મહારાષ્ટ્રના પાલઘરમાં વાઢવણ પોર્ટનો શિલાન્યાસ કર્યો હતો. આ પ્રોજેક્ટનો કુલ ખર્ચ અંદાજે ૭૬,૦૦૦ કરોડ રૂપિયા છે. મોદીએ લગભગ રૂપિયા ૧૫૬૦ કરોડના મૂલ્યની ૨૧૮ મત્સ્યઉદ્યોગ યોજનાઓનું ઉદ્ઘાટન અને શિલાન્યાસ પણ કર્યો હતો. આ દરમિયાન તેમણે કહ્યું હતું કે, મહારાષ્ટ્ર માટે મોટા નિર્ણયો લેવાયા છે. વાઢવણ પોર્ટનો આજે શિલાન્યાસ કરવામાં આવ્યો છે. આ દેશનું સૌથી મોટું કન્ટેનર પોર્ટ હશે.
વાધવન પોર્ટ ભારતના સૌથી મોટા ઊંડા પાણીના બંદરોમાંનું એક હશે. તે આંતરરાષ્ટ્રીય દરિયાઈ પરિવહન માટે સીધી કનેક્ટિવિટી પ્રદાન કરશે. આનાથી સમયની બચત તો થશે જ પરંતુ ખર્ચમાં પણ ઘટાડો થશે. પરિણામે દેશના વેપાર અને આર્થિક વિકાસને વેગ મળશે.
પાલઘર જિલ્લાના દહાણુ શહેર નજીક વાધવન ખાતે બાંધવામાં આવનાર આ વિશ્વ કક્ષાનું બંદર વાધવન પોર્ટ પ્રોજેક્ટ લિમિટેડ દ્વારા બાંધવામાં આવશે. આ પ્રોજેક્ટ અંદાજે ૧૨ લાખ વ્યક્તિઓને પ્રત્યક્ષ અને પરોક્ષ રોજગારીની તકો પ્રદાન કરે તેવી શક્યતા છે. તેનાથી મોટી સંખ્યામાં સ્થાનિક યુવાનોને રોજગારી મળશે.
વાધવન પોર્ટને મહારાષ્ટ્રના પાલઘર જિલ્લામાં વાધવન ખાતે ગ્રીનફિલ્ડ ડીપ ડ્રાફ્ટ મેજર પોર્ટ તરીકે વિકસાવવામાં આવશે, જે તમામ સિઝનમાં કાર્યરત રહેશે. આ પ્રોજેક્ટનો કુલ ખર્ચ ૭૬,૨૨૦ કરોડ રૂપિયા છે. આમાં જમીન સંપાદનનો ખર્ચ પણ સામેલ છે. તેમાં કોર ઈન્ફ્રાસ્ટ્રક્ચર, ટર્મિનલ્સ અને અન્ય કોમર્શિયલ ઈન્ફ્રાસ્ટ્રક્ચરનું પબ્લિક-પ્રાઈવેટ પાર્ટનરશિપ મોડમાં બાંધકામ સામેલ હશે.
આ સાથે, વાધવન પોર્ટને રાષ્ટ્રીય ધોરીમાર્ગો સાથે જોડવા અને તેને હાલના રેલ નેટવર્ક અને આગામી સમર્પિત રેલ ફ્રેટ કોરિડોર સાથે જોડવાની યોજનાઓ પણ બનાવવામાં આવી રહી છે. અત્યાધુનિક ટેક્નોલોજી અને ઈન્ફ્રાસ્ટ્રક્ચરથી સજ્જ વાધવન પોર્ટમાં નવ કન્ટેનર ટર્મિનલ હશે. આ દરેક ૧,૦૦૦ મીટર લાંબી હશે. કોસ્ટલ બર્થમાં ચાર મલ્ટીપર્પઝ બર્થ, ચાર લિક્વિડ કાર્ગો બર્થ, એક રો-રો બર્થ અને એક કોસ્ટ ગાર્ડ બર્થનો સમાવેશ થશે.
આ પ્રોજેક્ટની ક્ષમતા (સંચિત) વાર્ષિક ૨૯૮ મિલિયન મેટ્રિક ટન (એમએમટી) હશે. આમાં અંદાજે ૨૩.૨ મિલિયન ટીઈયુ (આશરે ૨૦ ફૂટ) કન્ટેનર હેન્ડલિંગ ક્ષમતાનો સમાવેશ થાય છે. વાધવન પોર્ટ પૂર્ણ થયા બાદ વિશ્વના ટોચના દસ બંદરોમાં સામેલ થશે.
