હરિયાણામાં માર્યા ગયેલા મજૂરની વિધવાને મમતા સરકારે નોકરી આપી
નવી દિલ્હી, હરિયાણામાં સાબીર મલિક નામના મજૂરને ગૌમાંસ ખાવાની શંકામાં ગાય સંરક્ષણ જૂથના સભ્યોએ નિર્દયતાથી માર માર્યાે હતો. આરોપી અભિષેક, મોહિત, રવિન્દર, કમલજીત અને સાહિલે પીડિત સાબીર મલિકને પ્લાસ્ટિકની ખાલી બોટલો વેચવાના બહાને એક દુકાનમાં બોલાવી હતી.
પશ્ચિમ બંગાળના મુખ્યમંત્રી મમતા બેનર્જીએ બુધવારે હરિયાણામાં માર્યા ગયેલા રાજ્યના પરપ્રાંતિય મજૂર સાબીર મલિકની વિધવા અને ચાર વર્ષની પુત્રીને મદદની ઓફર કરી હતી. એજન્સી અનુસાર, એક અધિકારીએ જણાવ્યું કે સીએમ મમતા બેનર્જીએ વળતર પેકેજના ભાગરૂપે મજૂરની વિધવાને સરકારી નોકરી આપી છે.
અધિકારીએ કહ્યું કે વિધવાને નિમણૂક પત્ર સોંપવામાં આવ્યો છે અને તેણીને બસંતી બીએલઆરઓ ઓફિસમાં પરિચરના પદ પર નિયુક્ત કરવામાં આવી છે.
મજૂરની પત્ની અને તેની પુત્રીએ દિવસ દરમિયાન રાજ્યના સચિવાલય નબન્નાની મુલાકાત લીધી અને મુખ્યમંત્રીને મળ્યા.મળતી માહિતી મુજબ, મમતા બેનર્જીએ ખાતરી આપી છે કે તેમની સરકાર બાળકના શિક્ષણની જવાબદારી લેશે.૨૪ વર્ષીય મલિકને ૨૮ ઓગસ્ટના રોજ ચરખી દાદરી જિલ્લામાં પાંચ લોકોએ માર માર્યાે હતો.
હુમલાખોરોએ તેના પર ગૌમાંસ ખાવાનો આરોપ લગાવ્યો હતો. મલિકની લિંચિંગ બાદ વ્યાપક રોષ ફેલાયો હતો. આ કારણે સાંપ્રદાયિક હિંસા અને ભેદભાવના મુદ્દાઓ પર પણ ચર્ચા કરવામાં આવી હતી. હવે મુખ્યમંત્રી મમતા બેનર્જીએ મૃતકની પત્નીને નોકરી આપી છે.
હત્યાની ઘટના બાદ માહિતી સામે આવી હતી કે ગૌ રક્ષા ટીમના આરોપી સભ્યોએ ગૌમાંસ ખાવાની શંકામાં મજૂરને ખરાબ રીતે માર માર્યાે હતો. આરોપી અભિષેક, મોહિત, રવિન્દર, કમલજીત અને સાહિલે પીડિત સાબીર મલિકને પ્લાસ્ટિકની ખાલી બોટલો વેચવાના બહાને એક દુકાનમાં બોલાવી હતી અને બાદમાં તેને ખૂબ માર માર્યાે હતો.SS1MS
