સલમાન ખાનની ‘સિકંદર’માં રશ્મિકા સાથે કાજલ પણ જોડાઈ
મુંબઈ, જ્યારે એવી જાહેરાત કરવામાં આવી કે સલમાન ખાનની ‘સિકંદર’માં રશ્મિકા મંદાના પણ જોવા મળશે. ત્યારે સોશિયલ મીડિયા પર આ અહેવાલોએ ઘણી ચર્ચા જગાવી હતી.
હવે વધુ એક સ્ટાર આ ફિલ્મ સાથે જોડાશે. કેટલાંક વિશ્વસનીય સૂત્રોના જણાવ્યા અનુસાર હવે કાજલ અગ્રવાલ પણ ‘સિકંદર’ની કાસ્ટમાં જોડાઈ ગઈ છે. રશ્મિકા આ ફિલ્મમાં છે જ તો હવે કાજલ કયો રોલ કરશે તો જોવાનું રસપ્રદ રહેશે. બાહુબલી સ્ટાર સત્યરાજ પણ મહત્વના રોલમાં છે.
આ ફિલ્મમાં પ્રતીક બબ્બર મુખ્ય વિલનની ભુમિકામાં છે. ફિલ્મના ડિરેક્ટર એ મુર્ગાદોસ અને પ્રોડ્યુસર સાજીદ નડિયાદવાલા આ ફિલ્મને એક મોટી ફિલ્મ ગણાવી રહ્યા છે, જેમાં સલમાનના મિત્રોને મજા પડી જાય. રશ્મિકા તાજેતરમાં જ સાજીદ નડિયાદવાલાની ઓફિસ બહાર જોવા મળી હતી.
તે આ ફિલ્મ માટેના લૂક ટેસ્ટ માટે આવી હતી, જે આવતા વર્ષે રિલીઝ થવાની છે. સામાન્ય રીતે સલમાનની ફિલ્મો ઇદ પર રિલીઝ થતી હોય છે, તેથી તેના ફૅન્સ એવું વિચારે છે કે આ ફિલ્મ પણ આવતા વર્ષે ઇદ પર જ રિલીઝ થશે.SS1MS
