દિલ્હીમાં બે સગીરોની છરીના ઘા મારી હત્યા કરાઈ
નવી દિલ્હી, દિલ્હીમાં એક વ્યક્તિનો મોબાઈલ ફોન છીનવી લેતી વખતે બે સગીરોની છરીના ઘા મારીને હત્યા કરવામાં આવી હતી. સીસીટીવી ફૂટેજમાં કેદ થયેલી હત્યાની ઘટના જોયા બાદ પોલીસે આરોપીને કસ્ટડીમાં લીધો છે. દિલ્હીમાં મોબાઈલ સ્નેચિંગ દરમિયાન બે સગીરોએ એક વ્યક્તિને ચાકુ મારીને હત્યા કરી હતી.
આ ઘટના ઉત્તર-પૂર્વ દિલ્હીમાં બુલંદ મસ્જિદ પાસે બની હતી. મૃતકની ઉંમર ૩૨ વર્ષ હોવાનું જાણવા મળે છે. બંને આરોપીઓની ઉંમર ૧૫ અને ૧૭ વર્ષની હતી.અબ્દુલ કયૂમ નામનો વ્યક્તિ રવિવારે મોડી રાત્રે ૮ વાગ્યે બુલંદ મસ્જિદ પાસે ઊભો હતો.
પોલીસે ન્યૂઝ એજન્સીને જણાવ્યું કે કય્યુમ રિક્ષા ચલાવતો હતો અને ત્યાં મુસાફરોની રાહ જોતો હતો. દરમિયાન બંને છોકરાઓ તેની નજીક આવ્યા હતા અને તેની પાસેથી મોબાઈલ ફોન આંચકી લેવા લાગ્યા હતા.આ દરમિયાન બંનેએ કય્યુમ પર છરી વડે હુમલો કર્યાે હતો.
જેના કારણે તેણે જીવ ગુમાવ્યો હતો. ઘટના બાદ કયૂમનું લોહીથી લથપથ શરીર બુલંદ મસ્જિદ પાસે પડ્યું હતું. જ્યારે ત્યાંથી પસાર થતા લોકોએ મૃતદેહ જોયો ત્યારે પોલીસને જાણ કરવામાં આવી હતી.માહિતી મળતાની સાથે જ પોલીસ ઘટનાસ્થળે પહોંચી હતી અને ઘટનાની તપાસ શરૂ કરી હતી. આ દરમિયાન પોલીસે આસપાસના વિસ્તારોના સીસીટીવી કેમેરા પણ ચેક કર્યા હતા.
સીસીટીવી ફૂટેજમાં બંને શકમંદો જોવા મળ્યા હતા. જેના આધારે મધરાતે શાસ્ત્રી પાર્ક વિસ્તારમાંથી બંનેની ઓળખ કરીને ધરપકડ કરવામાં આવી હતી.પોલીસ અધિકારીએ કહ્યું કે બંનેની ધરપકડ કરવામાં આવી છે અને તેમના જૂના ગુનાહિત ઈતિહાસની તપાસ કરવામાં આવી રહી છે. બંને અન્ય કોઈ કેસમાં સંડોવાયેલા છે કે કેમ તેની તપાસ કરવામાં આવી રહી છે.SS1MS
