આખરે રણવીર દીપિકા અને દિકરી સાથે ઘેર પહોંચ્યો
મુંબઈ, રણવીર સિંહ અને દીપિકા પાદૂકોણને ત્યાં ૮ સપ્ટેમ્બર શનિવારે દિકરીનો જન્મ થયો હતો. આ અંગે તેમણે પોતાના સોશિયલ મીડિયા પર પણ જાહેરાત કરી હતી. તેના એક અઠવાડિયા પછી રવિવારે અંતે રણવીર દીપિકા અને દિકરી, એટલે કે તેની બંને લક્ષ્મી સાથે ઘેર પહોંચ્યો છે.
આ પહેલાં દીપિકાએ પોતાના ઇન્સ્ટાગ્રામ પ્રોફાઇલમાં બાયોમાં તેની માતા બન્યા પછીની સફરની શરૂઆત વિશે લખ્યું હતું, ‘ફીડ, બર્પ, સ્લીપ, રીપિટ’ તેના પર પણ તેના ફૅન્સ ખુબ ખુશ થઈ ગયા હતા.
થોડા દિવસથી એવા અહેવાલો આવી રહ્યા છે અને ચર્ચાઓ ચેલી રહી છે કે રણવીર અને દીપિકા પણ અનુષ્કા શર્મા અને વિરાટ કોહલીની જેમ મનો નૅની પોલિસી રાખશે, જેથી તેઓ પોતાની દિકરીને લોકોની નજરથી બચાવી શકે.
ત્યારે તેઓ જ્યારે હોસ્પિટલથી ઘર તરફ ગયા તો પાપરાઝી લાંબા સમયથી રાહ જોઈને હોસપિટલની બહાર ઊભા હતાં, કેટલાંકે તેમની ગાડીનો પીછો પણ કર્યાે હતો. તેમાં તેઓ દીપિકાની એક ઝલક મેળવવા સફળ થઈ ગયાં હતાં, જ્યારે તેની દિકરીને કપડમાં લપેટેલી જોઈ શકાતી હતી.
ત્યારે દીપિકા ઘણી ખુશ દેખાતી હતી. દીપિકાની આ એક ઝલકથી તેના ફૅન્સ રાજી રાજી થઈ ગયાં હતાં. તેમની સાથે રણવીર પણ હાઇનોટ અને ફંકી ગ્લાસ લૂકમાં ખુશ દેખાતો હતો. હોસ્પિટલમાં મુકેશ અંબાણી અને શાહરુખ ખાન સહીતના લોકોએ તેમની મુલાકાત લીધી હતી.
આ સંદર્ભે દીપિકાની યોગ ઇન્સ્ટ્રક્ટરે પણ રવિવારે દીપિકાની યોગ કરતી તસવીરો શેર કરીને એક ભાવુક પોસ્ટ લખી હતી. જેમાં તેણે દીપિકાની તાકાત અને સહનશક્તિ બાબતે ખુબ ગૌરવ વ્યક્ત કર્યું હતું કે, દીપિકાની આ સફરમાં તેની સાથે રહી શકી.SS1MS
