યુક્રેનનો રશિયાના હથિયાર ડેપો પર અત્યાર સુધીનો સૌથી ઘાતક ડ્રોન હુમલો
કીવ, યુક્રેન-રશિયા વચ્ચેનું યુદ્ધ નિરંતર લોહીયાળ બની રહ્યું છે. આ દરમિયાન યુક્રેને રશિયાના હથિયાર ડેપો પર મોટો ડ્રોન હુમલો કર્યાે છે. મીડિયા અહેવાલમાં યુક્રેનની સ્ટેટ સિક્યોરિટી સર્વિસના હવાલાથી જણાવવામાં આવ્યું છે કે રશિયાના ત્વેર ક્ષેત્રમાં હુમલો કરવામાં આવ્યો છે.
યુક્રેને કરેલા ઘાતક હુમલામાં રશિયાની કેટલીયે મિસાઇલો, બોંબ અને દારુગોળાનો જથ્થો તબાહ થઈ ગયો છે. યુક્રેનના સૈન્યે ડ્રોનથી ટોરોપેટ્સ શહેરમાં રશિયાના સંરક્ષણ મંત્રાલયના પ્રમુખ હથિયાર ડેપોમાં મોટો ધમાકો કર્યાે હતો. આ હુમલામાં ઇસ્કંદર મિસાઇલ સિસ્ટમ માટે બેલેસ્ટિક મિસાઇલો રાખેલી હતી.
આ ઉપરાંત, અહીંયા તોચકા-ટુ ટેક્ટિકલ મિસાઇલ સિસ્ટમ અને કેટલાક ગાઇડેડ બોંબ રાખેલા હતા. બ્રિટિશ મીડિયામાં પ્રગટ થયેલા અહેવાલમાં યુક્રેનના હુમલામાં ૬ કિ.મી.ના વિસ્તારમાં આગ લાગી ગઈ હતી. આ દરમિયાન ભૂકંપના હળવા ઝાટકા પણ અનુભવાયા હતા.
યુક્રેનના એક અધિકારીએ સોશ્યલ મીડિયા પર દાવો કર્યાે કે, જ્યાં ડ્રોનથી હુમલો થયો હતો, ત્યાં રશિયાના પોતાના હથિયારો ઉપરાંત ઉત્તર કોરિયા પાસેથી મળેલી મિસાઇલો પણ રાખેલી હતી. યુક્રેનની ઈન્ટેલિજન્સ અને સ્પેશ્યલ ઓપરેશન ફોર્સે સાથે મળીને આ હુમલો કર્યાે હતો.
જ્યારે, રશિયાના સંરક્ષણ મંત્રાલયે દાવો કર્યાે છે કે, તેમણે રાતભરમાં યુક્રેનના ૫૪ ડ્રોન તોડી પાડ્યા હતા. જોકે, યુક્રેને કરેલા હુમલામાં રશિયાને કેટલું નુકસાન થયું, તેની કોઈ માહિતી સામે આવી નથી. યુક્રેનના રાષ્ટ્રપતિ વોલોદિમીર ઝેલેન્સ્કી હવે રશિયાની અંદર ઘુસીને હુમલો કરવા ઈચ્છે છે. રિપોર્ટ પ્રમાણે, ૨૦ દિવસોમાં યુક્રેનના હુમલામાં રશિયાના ૩૧ નાગરિકોના મોત થઈ ચુક્યા છે.SS1MS
