અનન્યાની ‘કાલ મી બૅ’ની બીજી સીઝન આવશે
મુંબઈ, અનન્યા પાંડેની ડેબ્યુ વૅબ સિરીઝ ‘કાલ મી બૅ’ તાજેતરમાં જ ઓટીટી પ્લેટફર્મ પર લોંચ થઈ છે અને હવે તેની બીજી સીઝનની જાહેરાત કરવામાં આવી છે. આ શોમાં દર્શાવાયું છે કે અનન્યાને તેનું દિલ્હીનું ઘર અને જાહોજલાલીની દુનિયા છોડીને મુંબઈમાં જઇને સંઘર્ષ કરવો પડે છે.
કઈ રીતે એક અત્યંત સમૃદ્ધ પરિવારમાં જાહોજલાલીમાં ઉછરેલી છોકરી સંઘર્ષથી પોતાનું જીવન ફરી શરૂ કરે તે આ સિરીઝમાં જોવા મળે છે. આ શો કરણ જોહરે પ્રોડ્યુસ કર્યાે છે. તાજેતરનાં એક નિવેદનમાં કરણ જોહરે જણાવ્યું હતું,“અમે એ જાહેર કરતાં બહુ ખુશ છીએ કે અમે ‘કાલ મી બૅ’ની બીજી સીઝન પર કામ કરી રહ્યાં છીએ.
અમારા માટે પહેલી સીઝન ગેમ ચેન્જર સાબિત થઈ છે, સમગ્ર વિશ્વના દર્શકોએ અમને જે પ્રેમ અને સરાહના મળ્યાં છે તેનાથી અમે બહુ જ ખુશ છીએ. આ સફરનો ભાગ બનવાથી અને તેની સ્ક્રીપ્ટને સ્ક્રીન સુધી પહોચતી તેમજ તેને લોકોનો પ્રેમ મળતો જોઈને અમને બહુ ગૌરવ થાય છે.” કરણે આગળ કહ્યું,“અનન્યા, કોલિન, ઇશિતા અને સમગ્ર કાસ્ટને જે પ્રેમ મળી રહ્યો છે તે જોઇને બહુ આનંદ થાય છે.
આ પાત્રો અને તેમની કહાણીઓમાં ઊંડા ઉતરીને તેને વધુ વિસ્તારપૂર્વક દર્શકો સમક્ષ લઈ જવા અમે આતુર છીએ. અમને વિશ્વાસ છે કે બીજી સીઝન પહેલાં કરતાં પણ વધારે બૅ-મિસાલ હશે.” આ શોની પહેલી સીઝન ધર્માટિક એન્ટરટેઇન્મેન્ટમાં કરણ જોહર, અપૂર્વ મહેતા અને સોમેન મિશ્રા દ્વારા પ્રોડ્યુસ કરવામાં આવી હતી.
તેમજ કોલિન ડીક્યુના દ્વારા ડિરેક્ટ કરવામાં આવી હતી. તેમજ ઇશિતા મોઇત્રા, સમિના મોટલેકર અને રોહિત નાયર દ્વારા લખવામાં આવી છે. જેમાં અનન્યા સાથે વીર દાસ, ગુરફતેહ પિરઝાદા, વિહાન સમત, વરુણ સૂદ, મુસ્કાન જાફરી, નિહારિકા દત્ત તેમજ લિસા મિશ્રા મહત્વના રોલમાં છે.SS1MS
