આ અભિનેતાએ તેની છેલ્લી ફિલ્મ માટે લીધી ૨૭૫ કરોડ ફી
મુંબઈ, જ્યારે ફિલ્મોમાં સૌથી વધુ ફી વસૂલવાની વાત આવે છે ત્યારે શાહરૂખ ખાન અને રજનીકાંતનું નામ ટોચ પર આવે છે. પરંતુ હવે આ બંનેનો રેકોર્ડ સાઉથના એક અભિનેતાએ તોડી નાખ્યો છે. તે બીજું કોઈ નહીં પણ તમિલ અભિનેતા થલાપતિ વિજય છે.
વિજય બોક્સ ઓફિસ પર રાજ કરે છે. તેની ફિલ્મોએ કમાણીના મામલામાં ઘણા રેકોર્ડ તોડ્યા છે. તેનું નામ સૌથી વધુ કમાણી કરનારા કલાકારોની યાદીમાં સામેલ છે. હવે તે સૌથી વધુ કમાણી કરનાર અભિનેતા પણ બની ગયો છે. આ દિવસોમાં થલાપતિ વિજય તેની આગામી ફિલ્મ થલાપથી ૬૯નું શૂટિંગ કરી રહ્યો છે. આ તેની છેલ્લી ફિલ્મ છે. થલાપતિ વિજયની ફિલ્મ ગોટ તાજેતરમાં રિલીઝ થઈ હતી.
જેના માટે તેણે ૨૦૦ કરોડ રૂપિયાની ફી લીધી હતી. આગામી પ્રોજેક્ટ સાથે તેણે તેની ફી પણ વધારી દીધી છે. વિજયની ફી જાણીને તમે ચોક્કસ ચોંકી જશો. અહેવાલો અનુસાર, થલાપતિ વિજયે તેની આગામી ફિલ્મ થલાપથી ૬૯ માટે ૨૭૫ કરોડ રૂપિયાની ફી લીધી છે.
જે બાદ તે ભારતનો સૌથી વધુ ફી લેનાર અભિનેતા બની ગયો છે. તેણે શાહરૂખ ખાનને પણ પાછળ છોડી દીધો છે જે એક ફિલ્મ માટે ૨૫૦ કરોડ રૂપિયા લે છે. જો અહેવાલોનું માનીએ તો અભિનયમાં પોતાની પ્રતિભા બતાવ્યા બાદ વિજય હવે રાજકારણમાં પગ મુકવા જઈ રહ્યો છે.
તેણે ગયા મહિને પોતાની રાજકીય પાર્ટી તમિલનાડુ વિક્ટરી કોર્પાેરેશનની પણ જાહેરાત કરી છે. વિજય છેલ્લે થલાપતિ ૬૯માં જોવા મળશે. કેએચ વિનોદ આ ફિલ્મનું નિર્દેશન કરી રહ્યા છે. આ ફિલ્મ આવતા વર્ષે ઓક્ટોબરમાં રિલીઝ થશે. થલાપતિ વિજય ૩૦ વર્ષથી વધુ સમયથી ઇન્ડસ્ટ્રીમાં છે અને તેણે તેની કારકિર્દીમાં અત્યાર સુધીમાં ૬૮ ફિલ્મો કરી છે. હવે ૬૯મી ફિલ્મ થલાપતિ ૬૯ બનવા જઈ રહી છે.
સાઉથ સિનેમામાં રજનિકાંત, પ્રભાસ,અલ્લુ અર્જુન, રામચરણ, ચિરંજીવી અને વિજયનો અનોખી ફેન ફોલોઈંગ છે. તેમની એક ઝલક જોવા ફેન્સ તલપાપડ હોય છે.SS1MS
