ગાંધીનગરમાં યોજાઈ રહેલા ત્રિ-દિવસીય પાંચમાં ડેકોરાઈઝ-2024માં 250થી વધુ ઈવેન્ટ કંપનીઓએ ભાગ લીધો
મુખ્યમંત્રી શ્રી ભૂપેન્દ્રભાઈ પટેલે ડેકોરાઈઝ વેલફેર એસોસિએશન, અમદાવાદના સહયોગથી ગાંધીનગરમાં યોજાઈ રહેલા ત્રિ-દિવસીય પાંચમાં ડેકોરાઈઝ-2024 પ્રદર્શન તેમજ મંડપ હાયરર્સ ઈલેક્ટ્રિકલ એસોસિયેશન, ગુજરાતના 30મા વાર્ષિક અધિવેશનનો પ્રારંભ કરાવ્યો હતો.
મુખ્યમંત્રીશ્રી દ્વારા આ અવસરે ત્રણ વ્યક્તિ વિશેષોનું લાઈફ ટાઈમ એચિવમેન્ટ એવોર્ડથી સન્માન કરવામાં આવ્યું હતું.
મુખ્યમંત્રીશ્રીએ ઇવેન્ટ ઇન્ફ્રાસ્ટ્રક્ચર બિઝનેસના આ વિશાળ પ્રદર્શનમાં વિવિધ રાજ્યોમાંથી સહભાગી થયેલ 250થી વધુ ડેકોરેશન એન્ડ ઇવેન્ટ કંપનીઝના સ્ટોલ્સની મુલાકાત લઈ તેમની ઇનોવેટિવ પ્રોડક્ટ્સ નિહાળી હતી.
મુખ્યમંત્રી શ્રી ભૂપેન્દ્ર પટેલે આ પ્રદર્શન સાથે જ મંડપ હાયરર્સ ઈલેક્ટ્રિકલ એસોસિયેશન ગુજરાતના 30માં વાર્ષિક અધિવેશનના પ્રારંભ કરાવ્યો હતો.
તેમણે પ્રદર્શનના અલગ-અલગ સ્ટોલ્સની મુલાકાત પણ લીધી હતી અને એસોસિએશનના ત્રણ વરિષ્ઠ સભ્યોનું લાઈફ ટાઈમ એચિવમેન્ટ એવોર્ડથી ગૌરવ સન્માન કર્યું હતું. આ એવોર્ડ્સ મેળવનારાઓમાં નટુભાઈ ભટ્ટ ,સમીર શાહ અને સ્વ. શ્રી જગદીશભાઈ ભાવસારનો સમાવેશ થાય છે.
મુખ્યમંત્રી શ્રી ભૂપેન્દ્ર પટેલ સાથે આ ઉદઘાટન અવસરે ગાંધીનગરના ધારાસભ્ય શ્રીમતી રીટાબહેન, મેયર શ્રીમતી મીરાબહેન, સ્ટેન્ડિંગ કમિટી ચેરમેન શ્રી ગૌરાંગભાઈ તેમજ એસોસિએશનના પ્રમુખ સેક્રેટરી અને ખજાનચી તથા એક્ઝિક્યુટિવ મેમ્બર્સ પણ જોડાયા હતા.
