એકતા કપૂરે અનુરાગ કષ્યપને ‘ડંબ’ અને ‘ક્લાસિસ્ટ’ ગણાવ્યો

અનુરાગ કષ્યપ ઘણી વખત તેના નિવેદનો માટે વિવાદમાં આવતો રહ્યો છે

અનુરાગ કષ્યપે નેટફ્લિક્સના સીઈઓ વિશે કરેલાં ‘સાસ-બહુ’ નિવેદન અંગે એકતાનો વળતો પ્રહાર

મુંબઈ,અનુરાગ કષ્યપ ઘણી વખત તેના નિવેદનો માટે વિવાદમાં આવતો રહ્યો છે. ફરી તેણે એક નિવેદનના કારણે વિવાદ સર્જ્યાે છે. તાજેતરમાં તેણે પોતાની સોશિયલ મીડિયા સ્ટોરીમાં નેટફ્લિક્સના સીઈઓ ટેડ સેરેન્ડોઝની ટીકા કરી હતી. અનુરાગ કષ્યપની લોકપ્રિય વૅબસિરીઝ ‘ધ સ્ક્રેડ ગેમ્સ’ બે સીઝન નેટફ્લિક્સ પર ૨૦૧૮ અને ૨૦૧૯માં આવી હતી. ત્યાર બાદ તેના દર્શકોને ત્રીજી સીઝનની અપેક્ષા હતી. તાજેતરમાં એક પોડકાસ્ટમાં ટેડ સેરેન્ડોઝે જણાવ્યું કે તેણે તેના પહેલાં ઇન્ડિયન ઓરિજીનલ શો ‘સેક્રેડ ગેમ્સ’ના બદલે કોઈ વધુ પ્રચલિત પ્રકારના શો સાથે આગળ વધવાની જરૂર હતી.

આ વાત અનુરાગ કશ્યપને ખટકી. આ ઇન્ટરવ્યુના સ્ક્રીનગ્રેબને શેર કરીને અનુરાગે પોતાના સોશિયલ મીડિયામાં લખ્યું, “એણે સાસ-બહુ સાથે શરૂઆત કરવાની જરૂર હતી. એ સારો ચાલ્યો હોત. જે તેઓ હાલ કરી રહ્યા છે, ઝેડ આઈને તો હંમેશા ખબર હતી કે જ્યારે વાર્તા કહેવાની વાત આવે ત્યારે ટેકનોલોજીના લોકો ડમ્બ હોય છે, પરંતુ ટેડ સેરેન્ડોઝ ડમ્બ હોવાની વ્યાખ્યા સમાન છે એ મને નહોતી ખબર, હવે બધું સ્પષ્ટ થઈ ગયું.”અનુરાગ કષ્યપની સાસ બહુ કમેન્ટથી એકતા કપૂર નારાજ થઈ ગઈ છે. તેણે પણ અનુરાગ કષ્યપની સોશિયલ મીડિયા પોસ્ટનો જવાબ સોશિયલ મીડિયા પોસ્ટ દ્વારા આપ્યો છે.

એકતા કપૂરે પોતાની સોશિયલ મીડિયા પોસ્ટમાં લખ્યું, “તું બહુ જ ડમ્બ છે..તને લાગે છે કે આવું કહીને તું સ્માર્ટ અને કૂલ છે એવો ફાયદો ઉઠાવવા માગે છે પણ નાનાના…ડા‹લગ વિવેકનું શું !! અને જાત માટે સભાનતા??? એ કળા જે ઘણા કલાકારોમાં નથી હોતી! સાસુ વહુ અને તેની ભારતની જનતા પર અસરનું પ્રતિષ્ઠિત શિકાગો રિસર્ચમાં દસ્તાવેજીકરણ થયું છે.

પણ એવા કલાકારો જે વધારે સમાવેશી દુનિયાની વાતો કરતાં હોય છે તે વધુ “ક્લાસિસ્ટ” હોય છે.”આગળ એકતાએ લખ્યું, “આપણે લોકશાહીમાં ન્યાયી સ્પર્ધા માટે આ ચર્ચા ખરેખર છોડી દેવી જોઈએ, કારણ કે “તું અમારી સાથે બેસી નહીં શકે, અમે તારાથી વધુ સારા છીએ.”નું વલણ નહીં ચાલે. દરેકને પ્રેમ અને પ્રકાશની શુભેચ્છાઓ.”SS1