બાળકીના કાનમાંથી વંદાના ૧૫ બચ્ચા નીકળ્યાં

ભાવનગરની બાળકીને કાનના દુખાવામાંથી રાહત મળી

ભાવનગરના સિહોર તાલુકાના ચોરવડલા ગામમાં એક પાંચ વર્ષની બાળકી લાંબા સમયથી કાનના દુખાવાથી પીડાતી હતી

બાળકીના કાનમાંથી વંદાના ૧૫ બચ્ચા નીકળ્યાં :ડોક્ટરો પણ આશ્ચર્યચકિત

ભાવનગર,થોડા દિવસ પહેલાં અમરેલીમાં એક બાળકની આંખની પાંપણોમાંથી જૂ કાઢવામાં આવી હતી. ત્યારબાદ હવે ભાવનગર જિલ્લાના સિહોર તાલુકાના ચોરવડલા ગામમાંથી વિચિત્ર કિસ્સો સામે આવ્યો છે. ૫ વર્ષના બાળકના કાનમાંથી એક-બે નહી પણ ૧૫ જેટલા વંદા નીકળતા તબીબો પણ ચોંકી ઉઠ્યા હતા.

કાનમાંથી આટલા બધા વંદા નિકળવા એ તપાસનો વિષય છે.મળતી માહિતી મુજબ, ભાવનગરના સિહોર તાલુકાના ચોરવડલા ગામમાં એક પાંચ વર્ષની બાળકી લાંબા સમયથી કાનના દુખાવાથી પીડાતી હતી. આ બાળકીને તીવ્ર દુખાવો થતાં તેને ખાનગી હોસ્પિટલમાં લઈ જવામાં આવી હતી.૧૦ જૂનના રોજ બાળકીને કાનમાં અસહ્ય દુખાવો થતાં તે ખૂબ રડવા લાગી. પરિવારજનો પણ આ જોઈને ચિંતિત બન્યા. બાળકી પોતાના કાન તરફ ઈશારો કરીને દુખાવાનું સ્થાન બતાવી રહી હતી.

માતા-પિતા બાળકીને સણોસરા ગામની એક ખાનગી હોસ્પિટલમાં લઈ ગયા. ત્યાં ડોક્ટરે દૂરબીન વડે તપાસ કરતા બાળકીના કાનમાં જીવાત જોઈ. તપાસ કરતાં ડોક્ટર પણ આશ્ચર્યચકિત થઈ ગયા, કારણ કે તેમણે બાળકીના કાનમાંથી એક કે બે નહીં, પરંતુ ૧૫ જેટલા વંદાના બચ્ચા બહાર કાઢ્યા. ડોક્ટરે આ બચ્ચા કાઢીને બાળકીને દર્દમાંથી મુક્તિ અપાવી હતી.SS1