જીવલેણ સંકટ અથવા જીવના જોખમ વખતે પાયલોટ ATCને શું સંદેશો આપે છે? જાણો શું છે May Day

અમદાવાદથી લંડન જવા નિકળેલા એર ઈન્ડિયાના પાયલોટે May Day કોલ આપ્યો હતો, એર ટ્રાફિક કંટ્રોલરે ફ્લાઈટનો વળતો સંપર્ક કર્યાે પણ કોઈ પ્રતિક્રિયા મળી ન હતી.

આ વિમાન ટેકઓફની ગણતરીની મિનિટોમાં જ ગરબડ થતા નજીકમાં આવેલા સિવિલ કેમ્પસમાં બિલ્ડિંગ સાથે અથડાયું હતું

અમદાવાદ,અમદાવાદથી લંડન માટે અમદાવાદના સરદાર પટેલ આંતરરાષ્ટ્રીય એરપોર્ટ પરથી ઉડાન ભરનાર એર ઈન્ડિયાની ફ્લાઈટ એઆઈ ૧૭૧ના પાયલોટે વિમાન દુર્ઘટનાગ્રસ્ત થયું તેની થોડીક્ષણ પૂર્વે ‘મેડે’ કોલ આપ્યો હતો.

વિમાન જ્યારે ક્રેશ થવાની સ્થિતિમાં હોય છે ત્યારે પાયલોટ દ્વારા મેડે અર્થાત ઈમર્જન્સીનો કોલ આપવામાં આવે છે. અમદાવાદ-લંડન જતી એરઈન્ડિયાની ફ્લાઈટના પાયલોટે પણ વિમાન ક્રેશ થયું તે અગાઉ અમદાવાદ એરપોર્ટ સ્થિત એર ટ્રાફિક કંટ્રોલરને મેડે કોલ આપ્યો હતો.

આ વિમાન ટેકઓફની ગણતરીની મિનિટોમાં જ ગરબડ થતા નજીકમાં આવેલા સિવિલ કેમ્પસમાં બિલ્ડિંગ સાથે અથડાયું હતું અને બાદમાં અગનગોળામાં ફેરવાઈ ગયું હતું. ડાયરેક્ટર જનરલ ઓફ સિવિલ એવિએશન (ડીજીસીએ)એ નિવેદનમાં જણાવ્યું કે, પાયલોટે અમદાવાદ એટીસીને મેડે કોલ આપ્યો હતો પરંતુ એટીસીએ ફ્લાઈટના પાયલોટનો વળતો સંપર્ક કર્યાે ત્યારે કોઈ જ પ્રતિક્રિયા મળી નહતી. એર ઈન્ડિયાની લંડન જઈ રહેલી ફ્લાઈટનો મુખ્ય પાયલોટ કેપ્ટન સુમીત સભરવાલ હતો જે એલટીસી હોવાની સાથે ૮૨૦૦ કલાક ઉડાનનો અનુભવ ધરાવતો હતો.

ફર્સ્ટ ઓફિસર અર્થાત કો-પાયલોટ ક્લાઈવ કુંદર હતો જે ૧૧૦૦ કલાક ઉડાનનો અનુભવી હતો. MAYDAY (મેડે કોલ) એ આંતરરાષ્ટ્રીય સ્તરે સ્વીકૃત ઈમરજન્સી કોલ છે. વિમાન જ્યારે કોઈ મુશ્કેલીમાં મુકાયું હોય ત્યારે એર ટ્રાફિક કંટ્રોલને તેની જાણ કરવા મેડે કોલથી સિગ્નલ મોકલાય છે.

આ સિગ્નલનો ઉપયોગ તાત્કાલિક મદદ મેળવવા માટે કરવામાં આવે છે. મેડે એ એક ળેન્ચ શબ્દ ‘મેદે’ પરથી બનેલો છે, જેનો અર્થ ‘મને મદદ કરો’ તેવો થાય છે.

વિમાનના પાયલટ્‌સ અને જહાજના કેપ્ટન્સ સળંગ ત્રણ વખત મેડે બોલીને ઈમરજન્સી સિગ્નલ મોકલે છે. એન્જિનમાં ખરાબી, વિમાનમાં આગ લાગવી અથવા તો એરક્રાફ્ટ કે જહાજની સુરક્ષા સામેના ગંભીર જોખમના સંજોગોમાં પ્લેન કે જહાજના ઈન્ચાર્જ મેડે કોલ કરી પ્લેન કે જહાજનું લોકેશન અને ઈમરજન્સીનો પ્રકાર જણાવે છે. ss1