રજનીકાંતની એક્શન થ્રિલર ‘કુલી’માં આમિરખાન પણ દેખાશે

સ્ક્રિપ્ટ સાંભળ્યા વગર જ આમિર ખાને કેમિયો માટે સંમતિ આપી

રજનીકાંતની આગામી એક્શન-થ્રિલર ‘કુલી’નું શૂટિંગ શરૂ થતાં પહેલાં જ દેશભરમાં ઉત્સુકતા છવાયેલી છે

મુંબઈ, રજનીકાંતની આગામી એક્શન-થ્રિલર ‘કુલી’નું શૂટિંગ શરૂ થતાં પહેલાં જ દેશભરમાં ઉત્સુકતા છવાયેલી છે. લોકેશ કનગરાજના ડાયરેક્શનમાં બિગ બજેટ ફિલ્મને પાન ઈન્ડિયા રિલીઝનું આયોજન હોવાથી સાઉથના સ્ટારપાવરમાં બોલિવૂડની ફ્લેવર લાવવામાં આવશે. મિસ્ટર પરફેક્શનિસ્ટ તરીકે જાણીતા આમિર ખાન રજનીકાંતની સાથે ‘કુલી’માં મહત્ત્વના રોલમાં જોવા મળશે. રિપોટ્‌ર્સ મુજબ, આમિરખાન આ ફિલ્મમાં નાનો, પરંતુ દમદાર રોલ કરવાના છે.

આમિર ખાને સાઉથમાં પોતાના પ્રોજેક્ટ અંગે વાત કરતાં કહ્યું હતું કે, તેઓ રજનીકાંતના ખૂબ મોટા ફેન છે અને તેના કારણે ‘કુલી’માં કામ કરવા તૈયાર થઈ ગયા છે. આમિરના જણાવ્યા મુજબ, લોકેશ કનગરાજે રજનીકાંત સાથે ફિલ્મ ઓફર કરી હતી. રજનીકાંતનું નામ સાંભળતા જ આમિર ખાને તરત ઓફર સ્વીકારી હતી.આમિર ખાન સામાન્ય રીતે ફિલ્મની પસંદગીમાં ખૂબ સાવચેતી રાખે છે. ફિલ્મમાં પોતાના કેરેક્ટર અને સ્ટોરીને સારી રીતે સમજ્યા પછી જ ઓફર સ્વીકારવાની આમિરને આદત છે. કોઈ ફિલ્મમાં નાનો રોલ હોય તો પણ આમિર ખાન ઘણી બધી તકેદારી રાખે છે.

આ કિસ્સામાં આમિર ખાને રજનીકાંતનું નામ સાંભળતા જ ખુશ થઈને કેમિયો માટે તૈયારી બતાવી હતી. ‘કુલી’માં આમિર ખાનના કેમિયોનું શૂટિંગ પૂરું થઈ ગયું છે. આ ફિલ્મમાં પોતાના રોલ અંગે આમિરે સ્પષ્ટતા કરી નથી, પરંતુ શૂટિંગમાં ખૂબ મજા આવી હોવાનું જણાવ્યું છે. સન પિક્ચર્સ દ્વારા પ્રોડ્યુસ થઈ રહેલી આ ફિલ્મમાં સૌબિન શાહિર, નાગાર્જુન, શ્›તિ હાસન, સત્યરાજ અને ઉપેન્દ્ર જેવા જાણીતા કલાકારો છે. ‘કુલી’ને આ જ વર્ષે સ્ટાન્ડર્ડ અને આઈમેક્સ ફોર્મેટમાં દુનિયા ભરમાં રિલીઝ કરવામાં આવશે. SS1