Western Times News

Latest News from Gujarat India

કેરળમાં સામે આવ્યો કોરોના વાયરસનો પહેલો પોઝિટિવ કેસ

નવીદિલ્હી, ચીનમાં કોરોના વાયરસનો કહેર થમવાનુ નામ નથી લઈ રહ્યો. આ ખતરનાક વાયરસે અત્યાર સુધીમાં ૧૭૦ લોકોના જીવ લીધા છે. વળી, ચીન ઉપરાંત કોરોના વાયરસનો ખતરો દુનિયાના બાકીના દેશોમાં પણ વધતો દેખાઈ રહ્યો છે જેમાં ભારત પણ શામેલ છે. આ દરમિયાન કેરળમાં કોરોના વાયરસનો એક પોઝિટિવ કેસ સામે આવ્યો છે. આ છાત્ર ચીનના વુહાન વિશ્વવિદ્યાલયમાં અભ્યાસ કરતો હતો. હાલમાં દર્દીની સ્થિતિ સ્થિર છે.

આ ઉપરાંત કોરોના વાયરસના ગુજરાતમાં પણ બે શંકાસ્પદ કેસ સામે આવ્યા છે. અહી વડોદરાની એસએસજી હોસ્પિટલમાં બે આવા દર્દી લાવવામાં આવ્યા છે. આ પહેલા દેશની રાજધાની દિલ્લીમાં પણ ત્રણ શંકાસ્પદ કેસ સામે આવ્યા હતા. ચીનના વુહાનથી નીકળેલો કોરોના વાયરસ હવે દુનિયાના ૧૬ દેશોમાં ફેલાઈ ચૂક્યો છે. ભારતના પણ અમુક શહેરોમાં આના લક્ષણ જોવા મળ્યા છે. લેટેસ્ટમાં ગાઝિયાબાદમાં ૨૭ વર્ષની યુવતીમાં પણ વાયરસના લક્ષણ જોવા મળ્યા છે.

આરોગ્ય મંત્રાલય તરફથી આ વાયરસના કારણે એક નવો હેલ્પલાઈન નંબર ઈશ્યુ કરવામાં આવ્યો છે. આ નંબર ૨૪ કલાક આૅપરેશનલ રહેશે અને લોકોનો કોઈ પણ સમસ્યા થવા પર તે આના પર કાલ કરી શકે છે. થોડા દિવસો અગાઉ આ વાયરસના ખતરનાક સ્તરે પહોંચ્યા બાદ બેઈજિંગમાં ભારતીય દૂતાવાસ તરફથી ભારત આવતા પર્યટકોએ એડવાઈઝરી જારી કરી હતી.

Copyright © All rights reserved. | Developed by Aneri Developers