હેકર્સે ઈરાનના સૌથી મોટા ક્રિપ્ટો એક્સચેન્જમાંથી $૯ કરોડ તફડાવ્યાં

ઈરાનના નેતા ખામેનીના નિકટના લોકોનો નોબિટેક્સ સાથે સીધો સંબંધ

નોબિટેક્સે સાયબર હુમલાની પુષ્ટિ કરી હતી અને તેની એપ તથા વેબસાઈટ ડાઉન થતા અનધિકૃત પ્રવેશનો સંદેશ દર્શાવાતો હતો

તેહરાન,ઈરાન અને ઈઝરાયેલની લડાઈ વચ્ચે ઈઝરાયેલ સાથે કથિત રીતે જોડાયેલા સાયબર હુમલાખોરોએ ઈરાનના સૌથી મોટા ક્રિપ્ટોકરન્સી એક્સચેન્જ નોબિટેક્સને હેક કરીને તેમાંથી રૂ. ૭૮૦ કરોડ (૯ કરોડ યુએસ ડોલર)ની રકમ ઉપાડી લીધી હોવાનું બ્લોકચેન વિશ્લેષણ કરતી કંપનીઓએ જણાવ્યું હતું. ગુરુવારે એક જૂથે હેકિંગની જવાબદારી સ્વીકારતા તેણે કંપનીનો સમગ્ર સોર્સ કોડ પણ લીક કરી દીધો હતો. હેકર્સ જૂથે ટેલીગ્રામ એકાઉન્ટ પર લખ્યું હતું કે, નોબિટેક્સમાં જે સંપત્તિ હતી તે હવે સંપૂર્ણ રીતે સાર્વજનિક થઈ ગઈ છે.

બ્લોકચેન વિશ્લેષણ સંસ્થા એલિપટિકએ બ્લોગ પોસ્ટમાં લખ્યું હતું કે, ચોરાયેલા નાણાં એ વોલેટમાં ટ્રાન્સફર કરાયા હતા જેમાં ઈરાનના રિવોલ્યુશનરી ગાર્ડની નિંદા કરતા સંદેશ લખાયા હતા. આ સાયબર હુમલો આર્થિક ફાયદાને બદલે રાજકીય હેતુ માટે કરાયો છે. હેકર્સે જે વોલેટમાં નાણાં ટ્રાન્સફર કર્યા હતા તે વોલેટ એવા હતા જેમાં ક્રિપ્ટોને નષ્ટ કરાઈ હતી જેથી નોબિટેક્સને રાજકીય સંદેશ આપી શકાય. હેકિંગની જવાબદારી સ્વીકારનાર જૂથનું નામ ગોંજેશકે દરાંડે છે જેનો ફારસીમાં અર્થ ‘શિકારી ચકલી’ થાય છે.

આ ગ્›પે એક્સ પર એક પોસ્ટમાં લખ્યું કે, નોબિટેક્સ એક્સચેન્જે ઈરાન સરકારને પશ્ચિમી દેશો દ્વારા લદાયેલા પ્રતિબંધોથી બચવામાં મદદ કરી હતી. આ ઉપરાંત આતંકવાદીઓને પણ નાણાં પહોંચાડ્યા હતા. નોબિટેક્સે સાયબર હુમલાની પુષ્ટિ કરી હતી અને તેની એપ તથા વેબસાઈટ ડાઉન થતા અનધિકૃત પ્રવેશનો સંદેશ દર્શાવાતો હતો. એલિપટિકના મતે નોબિટેક્સનો સંબંધ ઈરાનના સર્વાેચ્ચ નેતા આયાતુલ્લા અલી ખામેનીના કેટલાક નિકટના લોકો સાથે હોવાનું માનવામાં આવે છે. ss1