કોલકાતા સામૂહિક દુષ્કર્મ પીડિતાની આપવીતી

વિદ્યાર્થિનીની સામૂહિક દુષ્કર્મની ઘટના પહેલાં તેને ૭ અન્ય લોકો સાથે પરિસરની અંદર વિદ્યાર્થી સંઘના રૂમમાં બોલાવવામાં આવી હતી

‘હું કગરતી રહી, પગ પકડ્યાં પણ ત્રણેયે મારી ન સાંભળી’

કોલકાતા,કોલકાતાની સાઉથ કલકત્તા લા કોલેજમાં અભ્યાસ કરનારી ૨૪ વર્ષીય વિદ્યાર્થિનીએ ત્રણ લોકો પર સામુહિક દુષ્કર્મનો આરોપ લગાવ્યો છે. પીડિતાનો આરોપ છે કે, આ ઘટના ત્યારે બની જ્યારે તેણે મુખ્ય આરોપી ૩૧ વર્ષીય મનોજીત મિશ્રાનો લગ્નનો પ્રસ્તાવ નકારી દીધો. મનોજીત મિશ્રા તૃણમુલ કોંગ્રેસ વિદ્યાર્થી પરિષદ ને જિલ્લા મહાસચિવ અને કોલેજના પૂર્વ વિદ્યાર્થી છે. પીડિતાએ પોતાની ફરિયાદમાં અનેક ગંભીર આરોપ લગાવ્યા છે. જણાવી દઈએ કે, ફોરેન્સિક ટીમ સાઉથ કલકત્તા લા કોલેજ પહોંચી ગઈ છે.

ટીમ ઘટનાસ્થળની મુલાકાત લેશે અને નિરિક્ષણ કરશે, આ સાથે જ ગુનાઈત સ્થળથી સેમ્પલ કલેક્ટ કરશે. પીડિતાએ પોલીસ ફરિયાદમાં જણાવ્યું કે, ‘મનોજીત મિશ્રાએ મારા પર લગ્નનું દબાણ કર્યું હતું, પરંતુ મેં તેનો પ્રસ્તાવ નકારી દીધો કારણ કે, હું પહેલાંથી જ એક રિલેશનશિપમાં હતી. ત્યારબાદ મનોજીતે મને ધમકી આપી કે, તે મારા બોયળેન્ડને નુકસાન પહોંચાડશે અને તેના માતા-પિતાને ખોટા કેસમાં ફસાવી દેશે.’ફરિયાદ અનુસાર, ૨૫ જૂને ત્રણ આરોપી- ૩૧ વર્ષીય મનોજીત મિશ્રા, ૧૯ વર્ષીય ફર્સ્ટ યર સ્ટુડન્ટ ઝૈબ અહેમદ અને ૨૦ વર્ષીય પ્રમિત મુખર્જીએ તેને કોલેજ પરિસરમાં એક રૂમમાં લઈ જઈને જબરદસ્તી બંધ કરી દીધી. પીડિતા સાથે મારપીટ કરવામાં આવી.

ફરિયાદમાં કહેવામાં આવ્યું કે, આરોપીઓએ યૌન સંબંધ બનાવવાના ઈરાદાથી પીડિતા સાથે જબરદસ્તી કરવાનો પ્રયાસ કર્યાે. પીડિતાએ કહ્યું કે, મેં ખુદને બચાવવા માટે ઘણો વિરોધ કર્યાે. આરોપીએ મને પાછળ ધક્કો મારી દીધો. હું રડી અને વારંવાર કહ્યું કે, મને જવા દો. આ સાથે જ કહ્યું કે, મારો બોયફ્રેન્ડ છે, પરંતુ તે ન માન્યા. હું મુખ્ય આરોપીના પગે પડી પરંતુ તેણે મને ન જવા દીધી. તે જબરદસ્તી મને ગાર્ડ રૂમમાં લઈ ગયા, મારા કપડા ઉતાર્યા અને દુષ્કર્મ કર્યું. પીડિતાનો આરોપ છે કે, મનોજીતે દુષ્કર્મ બાદ તેનો વીડિયો બનાવ્યો અને ધમકી આપી હતી કે, જો હું કોઈને કંઈપણ કહીશ તો આ વીડિયો સાર્વજનિક કરી દેવામાં આવશે. બાદમાં મેં અહીંથી નીકળવાનો પ્રયાસ કર્યાે તો મારા પર હાકી સ્ટિકથી હુમલો કરવાનો પ્રયાસ કરવામાં આવ્યો.

ગભરાટના કારણે મને શ્વાસ લેવામાં તકલીફ પડી રહી હતી પરંતુ કોઈએ મારી મદદ ન કરી. કોલેજનો મુખ્ય દરવાજો બંધ કરી દીધો હતો અને ગાર્ડ પણ મૂકદર્શક રહ્યો. મેં આરોપીઓને હોસ્પિટલ લઈ જવાનું કહ્યું, પરંતુ કોઈએ મારી મદદ ન કરી. મને ન્યાય આપો.’ફરિયાદ અનુસાર, વિદ્યાર્થિનીની સામૂહિક દુષ્કર્મની ઘટના પહેલાં તેને ૭ અન્ય લોકો સાથે પરિસરની અંદર વિદ્યાર્થી સંઘના રૂમમાં બોલાવવામાં આવી હતી, જ્યાં મુખ્ય આરોપી મનોજીત મિશ્રાના યુનિટ, પોતાની પર્સનલ લાઇફ અને પોતાની શક્તિ વિશે વાત કરી હતી.

ત્યારબાદ પ્રમિત મુખર્જીએ બહાર આવીને પૂછ્યું કે, શું તે મનોજીત અને તેમના યુનિટ પ્રત્યે વફાદાર છે? બાદમાં મને ગર્લ્સ સેક્રેટરી નિયુક્ત કરવામાં આવી હતી, તેથી મેં પોતાનું સમર્થન આપ્યું. ત્યારબાદ ફરી યુનિયન રૂમમાં પ્રવેશ કરતા સમયે મનોજીતે પૂછ્યું કે, શું પ્રમિત મુખર્જીએ બધું સમજાવી દીધું, તો જવાબ આપ્યો કે, હાં હું હંમેશા યુનિટની સાથે રહીશ, ચિંતા ન કરો.’આ ઘટના ૨૫ જૂન, સાંજે ૭ઃ૩૦ વાગ્યાથી રાત્રે ૧૦ઃ૫૦ વાગ્યા સુધીમાં કોલેજ પરિસરમાં થઈ હતી. SS1